ياراكبين الطايره

[ابو أنس]

ياراكبين الطايره غضّوا الطرف=اوجس بنفسي غيره وحبس وارجاف
لااحدن يبحلق في الغضي وارجعوا خلف=الدم في وجهه تجمّع وانا اخاف
ان ياخذ المنديل يمسح به النزف=يمسح عرَق وجهه وهو ترف شفاف
واخشى المحارم يخدشنه بلا لطف=والدم في اوجانه صبغها والاطراف
واخشى بعد من نظرهـ. لواحد(ن)جلف=تقلب كيانه والغضي حيل خواف
ناعم وعوده للهوى طوع يلتف=وما قد سمع هرجة صلف او كدر شاف
ياراكبين الطايره طبعكم صلف=وعيونكم مثل الكلاليب خِطّاف
اكيد ماشفتوا قبل ناعم وترف=وما قد لمحتوا في الفلا ظبي الارياف
ياحّول في قلبي من اسبابها شلف=شلف(ن)تناوب في الظهر بين الاكتاف
ما اخطى ولكنه مع الزين به ظرف=خفيف دم وبسمته سحرها اضعاف
وقلبي غرير وبه طفاقه وبه خف=مايحتمل فزعات واحزاب واحلاف
وهو جمع ما يدني القبر والحتف=جيّش جيوشه وابتسم باعذب رهاف
وانا اشهد انه مجمع الحسن واللطف=ربي جمع له من حسينات الاوصاف
ما اقول كامل بس ابجزم وأحلف=انه من ابهى ما لمحته من اطياف