سقاني الهوى من صافي الحب جرعه

[عبدالله راشد الثويني]

أضع بين أيديكم هذه الابيات لعلها تنال اعجابكم


سقاني الهوى من صافي الحب جرعه=بعدها تركني بدرب الاحباب سكراني
اطايش ولا تلـفي على القلب خرعـه=ومركـب غرامـي مابه حـزام واماني
بوقتٍ اشوف الحب اشبه بسلعه=صلاحه لمده بعدها يصـير تلفاني
فكم واحد(ن) يلعـب مع الحب قـرعه=يصيبه ولا يخيبه ولاهوب شفقاني
على اجسام حيه لكن قلوبها بشعه=مثلـها على اسم الحب عـار ونقصـاني
احبك يقوله ينطق بها على سرعه=ولكن فعله خيب الظن يافلاني
تشوف الغدر منهجه ماخوذ من شرعه=فيسقيك بعد الود همٍ وحرماني
ومن زود مكره اصبح الغدر من طبعه=يجازي وفا طيبك بجحدٍ ونكراني
تجاري يحب اللي يبي لو غدوا سبعه=قلـبه يسـع أكثر من الفيـن إنساني
فلآ تحسـب أن الصدق يبـرق بلمـعه=فكـم غـر عاشق وانتهـى فيـه غرقـاني
فهذا الهوى ياكم طفت فيه من شمعه=وياكم عاشق عاد والقـلب ندمـاني
فحاذر تغامر مقصدك بس لو رمعه=تبي من الدفا ثم تقضي العمر برداني
ترى الحب فيه افراح واتراح مجتمعه= فبعض كسب والبعض عود بنقصاني
فتكسـب بدرب الحـب شان وسمـعه=ولا تـذوق بعض المـر وتعـود منـهانـي
وترى الحـب روعـه تختـلط فيـه باللوعـه=ووقت العسـر يظهر لك الحب ويباني
فيظهر لك أصل الحب من ساسه ونوعه=إذا كان ثابت أو غدى فيه ملياني
ووقت الرخاء لا تسأله كيف اهوضعه=فعند الرخاء ياكثر ربعي وخلاني
فاسأل مجرب أحتسا منه كم جـرعه= وغدا في طريق الحب طايش وسكراني

العذر على القصور والشكر على المرور مقدماً