منتديات الفطاحله

[quote=عبدالعزيز ابراهيم المنصور;1345836][center][b][size="5"][color="black"]بسم الله الرحمن الرحيم[/color][/size][/b][/center]

[b][font="arial"][size="3"][color="black"][right]خاطرة على حافة الشعر علها ترتقي لذائقتكم :[/right][/color][/size][/font][/b][poem=font="simplified arabic,5,white,bold,normal" bkcolor="black" bkimage="" border="groove,4,white" type=0 line=0 align=center use=ex num="0,black""]
قالوا علامك قلت لاتسالوني=مالاسئلتكم , عندي اية إجابه
لكن اصروا !! للجواب اطلبوني=وجاوبتهم على السؤال بذرابه
قلت اسمعوا لما اقول اسمعوني=لعل مافيكم غشيم .. وزلابه
لو بشتكي فاضت دموع العيوني=والجرح بالشكوى يزيد التهابه
ياوجد حالي وجد من بالسجوني=في غبة الديجور محد ٍ درابه
مسجون ظلم وفوق هذا مغبوني=شيب وذابت زهرته في شبابه
تمضي حياته في شقاه محزوني=بزنزانته وحده ومقفول بابه
عانى من الغربه وشاف المهوني=ولحقه من زيادة همومه كآبه
ماني سجين ٍ بين قيد وحصوني=لكن حالي مع حواله تشابه
والا وجود اللي غشته الشجوني=درب الأمل ايس يطارد سرابه
انسان مايبغى الخطا والجنوني=ابعد عن الفوضى واحب الكتابه
بي النوايا صافيه والظنوني=مثلي طريق الشر ماقد مشى به
ولاجهل مثل اللذي يجهلوني=ولابار في حق الاهل و القرابه
ولااغلط على من بالغلط بادروني=لان الردي ماهوب من يقتدى به
قالوا تفلسف قلت ماتفهموني !؟=لاتسالوني دام فيني غرابه !!
قالوا رتابه , قلت فيها سكوني=وكل ٍعلى نهجه يوجه اركابه
لو البشر يدرون وش هي طعوني=او علتي والقلب واللي سطابه
ان كان مايبدو علي يغلطوني=ولاجددوا جرح ٍ عطيب ٍ صوابه
ياليتهم من عذلهم ينصفوني=لكن وحيد ومثلهم مايجابه
وياليت بعض الناس لو يتركوني=من شرحهم في خاطري واقترابه
حتى عن دموعي بدوا يشغلوني=ويش السبب في ذرفته وانسكابه
واقول دمعي يسكبنه عيوني=وش دخلكم فالحال واللي غدابه
ياعاذلين القلب لاتعذلوني=الهم فيني قد تعدى نصابه
همي ثقيل ولاتشيله متوني=ولاحولي اللي محزم ٍ ينتخى به
هالوقت بعض الناس ماينفعوني=وماكل شي ٍ فالحشا ينحكابه
كل ٍ على ليلاه جر اللحوني=وكل ٍعلى همه سرى او سرابه
ناس ٍ ليا من طحت بك يفرحوني=الله يوريهم شدايد عقابه
بديتهم بالطيب لكن غشوني=بجمرالشقا مع كاس مر ٍ شرابه
يوم اعتزلت بْعزلتي ماتركوني=زادوا بهمي لين زبر سحابه
امطر بحزن ٍوابله كالمزوني=وفاضت سدود القلب لاقصى شعابه
ناديتهم بالصوت ماجاوبوني=راحوا وخلوني اعاني .. صبابه !
لكن على الله كل شي ٍ يهوني=وعسى دعايه ينقبل باستجابه
من واحد ٍلاقال شي ٍ يكوني=رب ٍ عظيم الشان كل ٍ يهابه
عساه يرحمني بلطفه يصوني=من شر خلقه والجحيم وعذابه
وصلاة ربي عد مزن ٍ هتوني=على النبي المصطفى و الصحابه[/poem][/quote]

صح لسانك لا هنت ابد
مبدع كما عرفناك