مصافحتي الاولى لذائقتكم : كتبتك شعر
 

السلام عليكم ورحمة الله وبركاتة

اخواني مشرفي المنتدى الكرام

اخواني الشعراء والكتاب

في هذا المنتدى الشامخ

هذه مصافحتي الاولى

أقدمها لذائقتكم لعلها تحضى بالقبول

[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
كتبتك شعر ياروح القصيد ونبضه ومعناه = كتبتك شعر من قاصي خفوقي من شرايينه
كتبتك يابعد عمر القصيد وعمر من يملاه = قصيدة شعر من شاعرك من روحه ومن عينه
قصيده صغتهالك من جديد الشعر لي تهواه = جديد الشعر لك صغته كتبته لجل تقرينه
أنا والشعر والعهد القديم وماضي(ن) عشناه = حسبت أني نسيته أوقدرت أنسى دواوينه
حسبت أني نسيت الشعر حسبت أني قدرت أنساه = بعد أربع أسنين وكنت أنا ناسي عناوينه
رعاك الله ياذاك الزمان ويارعاك الله = زمان الشعر ياشعر البيان الله يازينه
قصيد وكان له معنى القصيد وكان من يقراه = يشيد في معنى القصيد وفي مضامينه
هلا بالشعر من بعد الغياب وياهلا وحياه = هلابه وحي من يابه هلا ياحي الأثنينه
هلا بالشعر واللي كان من أجله الشعر صغناه = لجل عينه كتبت الشعر ورجعت أكتب لجل عينه
رجعت ومارجعت إلاعلى شانه ولجل عيناه = رجعت أكتب شعر وأكتب قصيدي لي تحبينه
كتبت اللي تحبينه قصيد وشعر تتمناه = عيونك لجل ماتقرا عيونك شعر تهوينه
خذي مني قصيدي لافديتك لاعطيني أياه = خذي روحي خذي عمري خذي لي عاد تبغينه
خذي ولاعطيني حب من قلب(ن) أناأتفداه = مثل ماناعطيتك حب من قلب أتفدينه
فديتك والشعر جيت أكتبه لجلك نعم والله = نعم جيت أكتبك شعر وغرام(ن) طالت أسنينه[/poem]

رد: مصافحتي الاولى لذائقتكم : كتبتك شعر
 

هلا ومرحبا بك اخي الفاضل
في محلك وبين اخوانك وربعك
مصافحة جزلة من راس جزل
لاهنت
تحياتي الطيبة
وياليت تمر على التعليمات في
قسم الإستقبال" ما للأعضاء وما عليهم"
والتعليمات المثبتة في الهمس عن النشر
في الهمس

رد: مصافحتي الاولى لذائقتكم : كتبتك شعر
 

حياك الله اخي الكريم علي سالم النعيمي
ابيات ولااروع
تشرفنا بتواجدك معنا
ياهلا وغلا
تحياتي

رد: مصافحتي الاولى لذائقتكم : كتبتك شعر
 

صح لساااانك ياعلي مدد بلا عدد
قصيده جميله على بحر جميل
وابدعت بارك الله فيك

رد: مصافحتي الاولى لذائقتكم : كتبتك شعر
 

مرحبا الوف ياعلي النعيمي الله يحييك
ولاهنت مصاحفحه طيبه وانت اطيب

رد: مصافحتي الاولى لذائقتكم : كتبتك شعر
 

[quote=الطائر المهاجر;505907]هلا ومرحبا بك اخي الفاضل
في محلك وبين اخوانك وربعك
مصافحة جزلة من راس جزل
لاهنت
تحياتي الطيبة
وياليت تمر على التعليمات في
قسم الإستقبال" ما للأعضاء وما عليهم"
والتعليمات المثبتة في الهمس عن النشر
في الهمس[/quote]

أخي الفاضل د. عثمان العبدالله

يسعدني مرورك الكريم

أرجوا الأيضاح هل المطلوب هو نقل رابط القصيده من منتديات أخرى
أو أي أجراء آخر؟
أرجوا الافاده ولك الشكر

رد: مصافحتي الاولى لذائقتكم : كتبتك شعر
 

هلا بك
وضعت رابط هذه القصيدة
فإذا لك قصائد منشورة في منتديات
اخرى غير ما ذكرت ، فأرجو وضعها
تحياتي

رد: مصافحتي الاولى لذائقتكم : كتبتك شعر
 

علي النعيمي

صح لسانك ولله درك
قصيدة ومصافحة ولا أروع

لاهنت


تحياتي

رد: مصافحتي الاولى لذائقتكم : كتبتك شعر
 

صح لسانك يالنعيمى

بدايه عذبه وجميله

وياهلا بيك بالفطاحل

سحابه شعر قادمه ننتظر هطولها بشغف

رد: مصافحتي الاولى لذائقتكم : كتبتك شعر
 

رعاك الله ياذاك الزمان ويارعاك الله
زمان الشعر ياشعر البيان الله يازينه
قصيد وكان له معنى القصيد وكان من يقراه
يشيد في معنى القصيد وفي مضامينه
هلا بالشعر من بعد الغياب وياهلا وحياه
هلابه وحي من يابه هلا ياحي الأثنينه
هلا بالشعر واللي كان من أجله الشعر صغناه
لجل عينه كتبت الشعر ورجعت أكتب لجل عينه
رجعت ومارجعت إلاعلى شانه ولجل عيناه
رجعت أكتب شعر وأكتب قصيدي لي تحبينه
كتبت اللي تحبينه قصيد وشعر تتمناه
صح لسانك اخى علي

لاهنت ابيات جميلة

ومرحبا بك بيننا