ماعند قلبي من هواكم مناعه
 

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

ياصيد لاقيته على شوف ووداع=ماكان غير الشوف عندي طماعه
جاني نحيل القد والكف لماع =لمعت ذهب ماهو لعرض البضاعه
اهيف خفيف الردف للوصل ماطاع=عايش امل فالبعد شفت الفضاعه
لاقال حرف اتحس به حس ملتاع=واليا ابتسم بين الشفايا التماعه
كل المشاعر وقعت له بالاحماع=وش فيه مايقبل ولو ربع ساعه
لو جا تشافت داخلي كل الاوجاع=ولو جا لشاف خفوق زاد التياعه
ولو جا ليشر لي ويامر بالاصباع=ارضيه ثم اقول سمعا وطاعه
من ذاق طعم الحب ماتاب لو ضاع=قيس انكوى من حب ليلى ولاعه
وانا معك قلبي كما قيس منصاع =يرضيه شوفك بعد طول القطاعه
ياهاجري في شوفكم هيض ينزاع=ماعند قلبي من هواكم مناعه
وان كان مارديت روح الهوى شاع =والوجد معلن للغرام انصياعه
تموت وانا اموت ماسمعت اسماع=ولادرى عن حبنا اهل الاشاعه
ياحب سمسمني سرى فيك الابداع=لاتظلم اللي بعدك اليوم راعه
كني جميلك يابثينه ولي باع =والا وليدن لك بسن الرضاعه
قلبي صرخ لك كنه الطفل الى جاع=الين يفزع جري شيخ الجماعه
ياصيد اذا فالعمر مده ومرباع =ليتك ترد الروح لو ربع ساعه[/poem]

رد: ماعند قلبي من هواكم مناعه
 

أف أف أف شوهالجمال التصويري الرائع يابومحمد ،،

اطربتنى الحقيقة ،، يسلم البوح ياشيخ

رد: ماعند قلبي من هواكم مناعه
 

[align=center][size=5][grade="ff4500 4b0082 0000ff 000000 f4a460"]
جزل ومبدع
صح لسانك
ولاهان راسك
تحيتي واحترامي
[/grade][/size][/align]

رد: ماعند قلبي من هواكم مناعه
 

[size="5"][center][color=#cc0066]صح لسانك مليوون ولا يكفون يا بو محمد

و يسعد صباحك و صباح الشعر

كل بيت احلا من الثاني و انت احلاهم :d

ولاهنت يا نجم [/color][/center][/size]

رد: ماعند قلبي من هواكم مناعه
 

فلاح
صح السانك وابداعك
قلبك مرهف الله يعينك عليه
لاهنت

رد: ماعند قلبي من هواكم مناعه
 

مبدع ورائع
تحياتي لكم

رد: ماعند قلبي من هواكم مناعه
 

[size="5"] صح لسانك ابو محمد صور شعريه رايعة وقصيدة غزليه من النوع الثقيل [/size]

رد: ماعند قلبي من هواكم مناعه
 

[center][b][quote]ياهاجري في شوفكم هيـض ينـزاع *** ماعنـد قلبـي مــن هـواكـم منـاعـه
وان كـان مارديـــــت روح الهـــــــــوى شــــــــاع *** والـوجـد معـلـن لـلـغـرام انصـيـاعـه[/quote]

والله يكفي القصيدة هذين البيتين لتكون من أفضل القصائد رقي وجمال وفصاحة

لله درك أيها الشاعر الفحل فقد أمتعتنا بعذب شعرك ..

تقديري[/b][/center]

رد: ماعند قلبي من هواكم مناعه
 

[align=center][quote=حرف وشعر;1634633]أف أف أف شوهالجمال التصويري الرائع يابومحمد ،،

اطربتنى الحقيقة ،، يسلم البوح ياشيخ[/quote]

ارحب يامحمد

وتسلم من كل شر

وشرف مرورك يكفي متصفحي شاعرنا

لاعدمتك [/align]

رد: ماعند قلبي من هواكم مناعه
 

صح لسانك يانجم وسلم راسك

رائعه من روائعك المعهوده

جزله تستحق الاشاده

تحياتي لك يا شاعر