وجتني تمسح الدمعه(بالصوت)
 

[RAMS]http://up.ftahilah.com/up/uploads/Mine/wjutny2.rm [/RAMS]

[poem=font="Simplified Arabic,5,white,bold,normal" bkcolor="darkblue" bkimage="" border="double,4," type=2 line=0 align=center use=ex num="0,black"]
وجتني تمسح الدمعه وقالت تكفى يادكتور= أبي شيٍّ ينومني وعن الالام ينسيني
غزالٍ زانها ربي بجمالٍ نادرٍ كالحور= إذا مني نظرت لْها احس بسحر يغشيني
وش اللي جابها يمّي وانا من قبلها مستور = ولا لي في طريق الحب أوعشق المزاييني
بديت اتفكّر بحالي وهي تنظر كما المبهور= ولا تدري وش الحاصل ولا ما يعتمل فيني
لقيت إنّي أنا الغلطان مافكّر يطيع الشور= ويبعد عن طريق البيض دام القلب به ليني
ولقيت إنّي طوال العمر ولو حيٍّ أنا مقبور= مدامي ما سقيت القلب من كاس المحبيني
وانا سارح بتفكيري كأني واحدٍ مسحور = واذا بالخادمه تاقف وباعلا الصوت تدعيني
وحسّيت الخطر حولي إذا جاوزت للمحذور= وقلت لْها اجلسي معنا ..اخاف ابليس يغويني
قبل ما أكتب الوصفة تبي تحليل للاشعور= ودراسة عقلها الباطن لعل القى البراهيني
على ذيك الأريكة تنسدح شمعة من البلور= بوجه كنه القمرا بوسط الليـل تهديني
وثغرٍ كنه الخاتم بعقد اللولو المنثور= وخدينٍ كما وردٍ تباهى بالبساتيني
احاور عقلها الباطن يجاوبني كما المخمور= جواب أول يضحكني جواب آخر يبكّيني
جوابٍ ثالثٍ يزعل ويصرخ صرخة المقهور= ويلطمني بكف الواقع اللي دوم يضنيني
جواب آخر يحيرني يغطسني بسبع بحور= جوابٍ سادسٍ ينوي بسهم العشق يرميني
الا يا عقلها الباطن تكلم واكشف المستور= لعل افهم حكايات الدموع بداعج العيني
نطق في صرخة المكبوت بالآلام كالمكسور = جحيمٍ كل زفراته مثل نشط البراكيني
عقدها الواضحه تشر على من طالها بالجور = وسلمها لطاغوتٍ تنكّر للقوانيني
وفجأة والحوار يدور توقف كنها المذعور= وتصرخ صرخة المقهور "متى يارب تنجيني"
وراحت مسرعة تركض تبي تنبش بقايا قبور= وانا احاول أهدّيهـا ولكن من يهديّني
غدت تركض وانا أركض وراها كني المسحور= اناديهـا واعاتبها واقول انتي تغثيني
وحسيت العشق يجري بدم الواهم المغرور= وثاري الحب متبادل وهي من قلب تغليني
تجوزنا وجبنا عيال وبنينا في الخيال قصور= وكبروا لكن الأيام ما ترضى تصافيني
ابي واحد يلاقي شغل بلا (واوٍ) تفت صخور= ويبني بيت يسكن به بلا قرض ولاديني
وبي التلميذ لو يقبل يكمّـل علمه المبتور= لعلّه يوم يتوظّف مثل بعض الفلبيني
وابي واحد يحصل حق ما يحتاج حني ظهور= ويعطي الحق من قلبه يقول الله يراعيني
وبي من ادخل المشفى الاقي إنسان في الدكتور= يعاملني مثل ربعه ومن جاء بالفتاميني
أمـاني دايمٍ تحلم تموت ولا درت بالنور= وتبقى طعم في حرفي يحسّه من يخاويني
بلشت بنفسي وعيالي إذا من شفتهم طـابور= وحبيبٍ دوم بهمومه على كبري مشقّيني
يأست وقلت يا حبي بثلاث امشي ترى ذا الشور= وشوفي واحدٍ غيري ترى مافيني يكفيني
انا مالي سوى بوحي بشعرٍ يرفض المحظور = على شانك أعيش بحلم تكفي لا تصحيني[/poem]

صح لسانك يا شاعرنا

روعه كل القصائد

يعطيك العافيه :)


تحياتي لك

الله الله

قصيده قمه في الجمال والروعه

مشا الله تبارك الله ابدعت شاعرنا

صح لساااااانك وتسلم لنا على هالابداع والرووعه

قرأت وتلذذت واستمتعت ورحت معها بخيال مجنح وطويل
لم ارتوي وسأعود ساعة خلوه
لك كل التحايا

قصيدة حكت الواقع حركت الوجدان

صح لسانك ويعطيك العافية

صح لسانك

يادكتر

صح لسان المشرف


جزله

لاهنت

تحيتي وتقديري

ياسلام ياسلام والله يطل
ياراااااائع
تحياتي

صح لسااااااااااااانك


رااااااااااائع راااااااااااائع


انا اشهد ان العود عود


تقديري

رشيد الكسر

الله الله



دكتور ..



صح قلبك .. والله يجيرك من هالمواقف .. :)



بكل تجرد ... جميله جدا القصيده ..




تحياتي وغلااااااااااااااااااااااااااااااي





مبارك . ن