منتديات الفطاحله - المري ،، والجديد بعد العيد

منتديات الفطاحله (http://www.ftahilah.com/index.php)

- محاورات ومسابقات الفطاحله (http://www.ftahilah.com/forumdisplay.php?f=410)

- - المري ،، والجديد بعد العيد (http://www.ftahilah.com/showthread.php?t=17800)

المري ،، والجديد بعد العيد

[color=#0000FF]الفطاحله الكرام [/color]
السلام عليكم
وكل عام وانتم بخير وصحة وسلامه ،، وعيدكم مبارك
اليوم اضع بين ايديكم هذه المساجله بفتلها ونقضها ،، وهي التي دارت بيني وبين الأستاذ الدكتور عثمان العبدالله المشرف والمدير العام لمنتدياتنا الغاليه الفطاحله .
علما انني استأذنته في دمجها واعادة صيغتها وأخراجها كقصيدة كامله مع تعديل بسيط في بعض الأحرف والكلمات من طرفه وطرفي حتى تخرج بهيئتها الحاليه ،، والكمال لوجه الله
وتلاحظون ابياته مابين قوسين وردي عليه خارجها الا انني جعلت البيتين الأولى لي علما انها معطوفة على ماتلاها من ابياته ،، حيث هو البادي بالشعر والمداعبه :-

[poem=font="Simplified Arabic,5,black,bold,normal" bkcolor="transparent" bkimage="backgrounds/4.gif" border="inset,5,darkred" type=0 line=0 align=center use=ex num="0,black"]
جاني كلام مـن القبلـه وانـا حـدري = من واحد طيب وفـي علمـه اسنافـي
(ايقول منصور وش لك بالشغل بـدري = ما تهتني في سريـر ومفرشـك دافـي)
(ورزقك ميسر ولو ما بالفجـر تسـري = ولو ما طردته ترى يطـردك بالوافـي)
لاقال ليه اتغبـش باقـول لـو تـدري = هـذا جبلنـا عليـه ولابـه اخلافـي
الـرزق مكتـوب تدريبـه وانـا ادري = لاكـن بالأسبـاب ياتـي دون سوافـي
نوم الضحى للفتى مذموم وش عـذري = والـرزق متبـوع لوجابـه تكـلافـي
(ويقول نوم الضحى يوم ان الشغل جبري = في وسط صحراء نفود رملهـا سافـي)
(واليوم وضع الشغل محلـول بالجـذري = طـب وتخيـر ولا تلحقـك الاسلافـي)
وارد قد قلت لك فـي قافـي وشطـري = انهـا عوايـد ولافيـهـا تحسـافـي
دكتورالاعمـال ذا بايـع وذا يـشـري = ومن صبح البير يلقـى جمهـا صافـي
يشرب ويروي برواقـه ماهوعسـري = والتالـي احليلـه يشـرب تخـلافـي
واللقمه اللي توقف وانحـرت صـدري = هي علمتني كـذا واطبـوع الاسلافـي
هذا زمن عولمه وارجي الله الستـري = اخـوك مخبـاك يامعـبـود ياكـافـي
عرق جبينـي ولامـدة يـدي لخكـري = انام مرتاح لو افراشـي هـو الحافـي
(ويقول لي الذيب طوال الليـل للفجـري = يبحث عن الرزق يلغف مالقـى لغافـي)
(ولا بين النور ينعس والطـرف حـذري = وشله بنور(ن) وشمس(ن) حرها ضافي)
واقول له الذيب ماكل اكـدادة القـدري = من شان هذا اشـوف الذيـب متعافـي
يشوف صيـده بعينـه ماحمـل بتـري = ويختار من جزلها ماصيـده اعجافـي
يشوم من طفسة وعينه على العفـري = يابادي القـاف حـذرا والخبـر خافـي
وهاذي ابيات عزيزات(ن)على صـدري = وامحـاورة شاعـر يقـود الاسلافـي
دمجتها دمج مع صوغ علـى فكـري = واخرجتها مع بعض مافيهن اضعافـي[/poem]