حرب البسوس !!
 

[poem=font="Simplified Arabic,6,darkred,bold,normal" bkcolor="white" bkimage="" border="double,4,darkred" type=2 line=0 align=center use=ex num="0,black"]
ما عاد يعنيني الشروق! أشرق أو اظلم يا صفوق=الشّمس لأحترّت فنا لي عن لهايبها ظلال
القيظ ماتقتل سمومه لوهي في وسط العروق=والعاصفه لو قرّبت في وجهها الفين جال
صبح ٍ ظلام اتساوين مابينهن عندي فروق=الغيم عتّم بالفضا والرّيح تعصف بالرّمال
ياطير حلّق بالسّما خلّك سما من فوق فوق =لاعاد تنزل للثّرى لو يجهدك طرد المحال
شوف الحرار مشمّله جوٍّ صفا صادق صدوق =يسوى عروبة زنزنه مابين قيل وبين قال
هبّت هبوب ٍ من شمال ٍ صوتها صوت الطروق=صوت ٍ حداويّن صداه (أ)يردده صدر الشّمال
صدر الشّماليّ واتّسع ضيّق على قلب (أ)مخنوق=ما عاد يقدر يستمع شكوى ولا يسمع جدال
من يلعن الشّمس الظّهر يهواها في وقت الشروق=ياهي شرق ياهي غرق !خطّ الوسط ماله مجال
ابليس ويلعن بو جهل والقاتل (ا)يذم السروق=والزّاني يجلد محتلم !ذنبه على بنت الخيال
وخْضيّر الّي لانطق صج البسيطه بالنّهوق =يشكي غراب البين لانّه ينعق ان صدّر مقال
والّي تحمّل نهقة النّاهق ونعقات النّعوق=ماله بحرب المهزله نوقن ولا له من جمال
يعني مثل حرب البسوس ان كان ما جانا حروق=حامي لهبها واصل الّي معتزل خوض القتال
النّار نقوى حرّها حتّى تقرّب للخفوق=وان حرّته والله لا زيد النّار حرّن واشتعال
لو خضتها زلزلتها خسفن ومسخ و دوّ بوق=وان حلّ شقّقت السما وانْدكت اوتاد(ن) عوال
الله كفاني شرّكم ..وحقوقكم ماهي حقوق =جسّاس سبّبها وثار التغلبي ماهو حلال
حرب ٍ تثّور بالفضا واطرافها رعود وبروق=الله يولّف جوّهن ويْهلّن الوبل الزلال
إمّا اشرقت شمس السّلام أو علّ ملها من شروق=متساويه والله مغنيني عن الّي مايقال
لا عاد تشكيلي نهارك ! أشرق اظلم يا صفوق=مادام شمسي تختلف وآنا اعتزل حرب الظلال[/poem]

رد: حرب البسوس !!
 

الزيد
لاهنت ولاشنت
وصح السانك وسلم بنانك
كلام صحيح ووافي وجزل من جزل

[COLOR="DarkRed"] والّي تحمّـل نهقـة النّاهـق ونعقـات النّعـوق= ماله بحرب المهزله نوقن ولا لـه مـن جمـال
يعني مثل حرب البسوس ان كان ما جانا حروق = حامي لهبها واصل الّي معتـزل خـوض القتـال [/COLOR]

رد: حرب البسوس !!
 

ابيات رائعه
بارك الله فيك
تحياتي

رد: حرب البسوس !!
 

ماجد الزيد

صح لسانك

تقديري

رد: حرب البسوس !!
 

جزله من جزل

صح لسانك ياماجد

تحياتي

رد: حرب البسوس !!
 

ماجد الزيد

ياسلام عليك

كتبت فأبدعت

لله درك من رائع

صح لسانك لين ترضى


اعجابي واحترامي

رد: حرب البسوس !!
 

سلمت ياماجد

والسما أن حوت حوت بدر

وان بكت أ سقت الأرض

لك الحب والتقدير

قلم يحترم

رد: حرب البسوس !!
 

شاعرنا النجم ماجد الزيد صح لسانك
قصيده يشع منها نور الابداع
والحقيقة هالقصيده من اجمل ماقرأت من القصائد هنااااااا
ولاهنت يامميز

رد على: حرب البسوس !!
 

مااجد الزيد


ساالم والله وغاانم ولله درك من راااااااااااااااااااااااائع وشاااعر جزل صح قلبك
ولسااانك وكلك وعسااك على القووه

رد: حرب البسوس !!
 

[B][COLOR="Blue"]صدر الشّماليّ واتّسع ضيّق على قلب (أ)مخنوق
000000000000ما عاد يقدر يستمع شكـوى ولا يسمـع جـدال


ذكرتني ببيت لخلف المشعان

يقولون العرب صدر الشمالي مايضيق بساع

0000000 وانا اقول القلوب اليوم ماعادة شمالية

ماجد الزيد

نص على قمة الهرم


هل تحتاج الى شهادة لا اعتقد

صح لسانك ودام حرفك

دمت بخير[/COLOR][/B]