فنجال...
 

بسم الله الرحمن الرحيم



السلام عليكم ورحمة الله وبركاته



اقدم لكم هذه المتواضعة بعد طول الغياب..











[poem=font="simplified arabic,6,black,bold,normal" bkcolor="transparent" bkimage="" border="double,4,black" type=2 line=1 align=center use=ex num="0,black""]

بسم الله الرحمن ربّي وربّكم=ابدا جوابٍ محكماتٍ مثايله

وارهي من ادلالي على باغيَ القنَد=فنجالٍ (ا)بها الوقت قلّن مثايله

واقول من شيٍ وطاني بدنيتي=لوّي صغيرٍ مار هذي حصايله

من عاش بالدنيا.. من الغير يعتبر=واللا اعتبر به واحدٍ من عمايله

وكانك جهلت أنشد ترى العيب في الجهل=ومافيه مثل العلم ربحٍ لنايله

وحذراك من خطو المثرثر ونقلته=تصبح خشيرٍ له واذانك تشايله

إلى سمْع له علمٍ مع الناس .. يجمعه=ويخفي بعض مافيه ماهوب قايله

ويبّهر اللي باقيٍ ثم يطبخه=ويقلطْه لك لين تشكر سجايله

دامك وزاني فسمع الهرج من فمْي=وخلّ المبلس لاتوحّى هزايله

(من نمّ لك نم (ا)بك) .. لو كنت صاحبه=فراعِ الردى ليّاك تامن فعايله

واعرف ترى لك صاحبٍ مايجاملك=من بين ربعك لاتمايلت خايله

لا شاف عثراتك يعنّي لك القدم=هذا شويرك لاتدوّر بدايله

هو منوةٍ للي يدوّر على القدا=وعزّي لمن هو غادياتٍ رحايله

قلته وانا من ديرة جعلها الحيا =بتلى الوسم متقاضباتٍ مخايله

رزم الرعد فيهن يذرّف عيونهن=يدعي عبايرهن على الارض سايله

عشرين ليلة ماتوقّف عن البكا=لين ايتسابق دمعها في مسايله

تروى به ارضٍ باركٍ فوقها المحَل=وينبت بها من كل نبتٍ جلايله

هيَّ القصب جعْل اهلها ماتعوفها=يوم ان ولد اللّاش يجفى خلايله

وختامها صلّو على خاتم الرسل=نبيّنا اللي ماتعدد فضايله

[/poem]















جهاد بن عبدالعزيز بن عبدالله الشعلان

رد: فنجال...
 

الله ... الله
وش هالباذخه ياخالي
اشهد انك شاعر
واقـول مـن شـيٍ وطانـي بدنيتـي
لـوّي صغيـرٍ مـار هـذي حصايلـه
ابرد عليك
العقل ما هو شرط مع زود الاعمار
ولاهو بزود الجـاه وإلا الحلالـي
كم من شبابٍ بالعقل يـازن ديـار
وكم شايبٍ راسه من العقل خالـي


صح لسانك مليون ولا تكفي
تحياتي

رد: فنجال...
 

مبدع وجزل
كل الشكر لكم
تحياتي

رد: فنجال...
 

[color="darkorange"][b]
صح السانك مداد
امتعتنا بهذه الرائعه

دمت بِكُلِ مَوَدَةٍ[/b][/color]

رد: فنجال...
 

صح السانك يا الشاعر الهمام
و النعم بمن مدحت

تقبل تحياتي

رد: فنجال...
 

[size="5"][color="olive"]صح لسانك و طاب حالك و فالك

و الحمدلله عل السلامه

ابداع جزل و اكثر من رائع

و النعم بالقصب و اهلها ولاهنت يالشاعر [/color][/size]

رد: فنجال...
 

[font="comic sans ms"][size="6"][color="blue"]

صح لسانك واعتلى شأنك
نص رائع من شاعر رائع
لاهنت
دمت بود[/color][/size][/font]

رد: فنجال...
 

[center]صح لسانك
وعلا شانك قصيده رائعه
تحيتي وتقديري [/center]

رد: فنجال...
 

اللهم صلي وسلم على نبينا محمد..

صح لسانك يا اخ جهاد.

نص عانق النجوم في الاصاله والمبنى والمعنى.

لله درك ودام حرفك الراقي..

دمت بخير وصحه وسلامه

رد: فنجال...
 

الشعلان
صح السانك ملايين
باذحة مميزه لافض فوك
شكرا لك