منتديات الفطاحله - من جديد وعوده الى محاورة الشات السريعه ؟

من الشات الكتابي ظهر الأثنين 5 جماد الآخره 1429

[poem=font="Simplified Arabic,5,black,bold,normal" bkcolor="transparent" bkimage="backgrounds/1.gif" border="none,4,gray" type=2 line=0 align=center use=ex num="0,black"]
يقولوا فلاح اليوم اعرس على ثنتين= يبي يجمع الاموال من شغل دكتوره(الطائر)
انا يالمهاجر مامعي مثلكم بيتين = ولو كان عندي كنت باثبت الصوره(فلاح)
يحسبه مثل اول صليبٍ ولا به لين=واثاريه رايح وطي والحال مستوره(الطائر)
قسم يالمهاجر مايكفيني الثنتين = عيوني تشوف ولكن ايديّ مقصوره(فلاح)
يبي لك علاج يجبر العظم وانت ذهين=واذا انك تباه ابشر ترى الحال ميسوره(الطائر)
على الله يزين الحال واذكرك يالشين= وباعزمك بالحفله وباعطيك باكوره(فلاح)
ما طحت له بس انبطح حظك المسكين = معلوم يالهاوي فلاح أنت خابوره(الحافي)
اذا انك تبي تعرس تراي فاهم بالزين=واعرف التي تبغاك بالحب مجبوره(الطائر)
عليها عيون واسعه فوقها اذنين=الى سلهمت يرجف قليبك بتنوره(الطائر)
على ايديك ياعثمان مانا من المقفين= ليا صرت تدري لو تكن بنت مطيوره(فلاح)
حلوب اذا رادت ولو ترضع الثديين= معاها سواها والمه غير مبتوره(الطائر)
اثارك تخطط للخديعه وترضي البين=وانا احسبك صادق يالمتاجر ببندوره(فلاح)
وشبه فلاح اليوم صاير قوين عين = يريد المشاكل كلها عند خنفوره(الحافي)
واذا جسرت لابد توخذ بعد يومين= وتخير لها رجل يعنتر كنافوره(الطائر)
ونيتك تعداني بحبحب ضحى الاثنين= تجمع بدنيا فانيه حيل مغروره(فلاح)
فلاح لا تحسب زمانك يجيب الزين = وقت الفتوه راحت ايامه ودوره(الحافي)
هلا ياسعود اشبك تساعد عويد الفين= تشبب علينا واخذ لاهل الهوى دوره(فلاح)
واذا ما اعجبتك الحل ماعاد به تخمين= تشوف الكرنتينه ترى المهر شابوره(الطائر)
انا ماشكيت الحال لك ياعدو الدين= اباصبر على الدنياء وباشوف غندوره(فلاح)
ترى الرجل ينادي في كل حين = إلا من جرى في راسه الشيب ونحوره(الحافي)
انا ياسعود اصغر من العود يامسكين=شباب ومعي للمعتدي نص ماسوره(فلاح)
من الدين تعرس ما تضيع عمر وسنين= وانا اشير لك والشور بالعقل طبشوره(الطائر)
ترى العود ماينفعك لو جيت تقضي الدين = يواعد ويخلف لو تبي منه طنبوره(فلاح)
عليكم سلام الله ما غرد التنين= وعد القوارب والحمولات مستوره(الطائر)
تكبرت ياقارون بالقرش والقرشين= خذيتوا قروش الناس ياناس مغموره(فلاح)
تعبر الخليج مهربه للبلوشيين=ولو يرطنوا بالضاد فالضاد مكسوره(الطائر)
يا مرحبا بمنصور ويامرحبا واهلين = حياك يالغالي وقدامك الكوره(الحافي)
انا خابرك ياطرش من سد ذو القرنين= ضحكتوا على منصور ياربع بن نوره(فلاح)
ومنهم غدو شعار مثلك يابن اوذين=نسيتوا ديار في خراسان معموره(الطائر)
طلعتوا من الصحراء حفاتن بلا خفين= ملكتوا الديار وصرتم ملوك مخفوره(فلاح)
يالطير لا تشطح عن السير بالرجلين = ثم تنشب الرجلين وتصير مطموره(الحافي)
لامن كتبت البيت لا تغفل الشطرين = خلك ذهين ولا يجي نفسك غروره(الحافي)
الا ياحافي جانا حفت رجله من النعلين=ذبحه الشوك في درب به الاحجار منثوره(الطائر)
يبي له حرمة كنه فلاح ولا عرف هو وين=واظن اني لقيت اللي يبيه ويستر العوره(الطائر)
ترى الحافي شباب ولا يعرف افكاركم ياحسين= شويه ينتهي نبعه ويرجع يلعب الكوره(فلاح)
العود صاير كنه اللي يخلط الطين = لا شفت سيقانه شبيهات شابوره(الحافي)
يقول القاف شيب ما درى بالقاف له معنين= ولكنه تورط خايف المنقار وطيوره(الطائر)
وذا ال مس عودي المسكين عوده انكسر نصفين=سقط في الدرس مافاده براشيم بها الخوره(الطائر)
تراني راجع لك يافلاح مافلح بالتين= لقى له شوك برشومي يحسبه ورد وزهوره(الطائر)
فخلك مثلما الكاشف سكت مايفتح الحرفين= لأنه عارف لوهو يهاجم نطفي لنوره
يقولون المهاجر قد تزوج بالخفاء بنتين= من الكنقو وسكنهم عليشه وانتهى دوره(فلاح)
الا ياطير يمهاجر ولو طالت به الجنحين= مصيره طايح في الفخ من افعال غندوره(الطائر)
رجا للحج من بدري يظنه مكمل للدين= ودينه ناقص مادام ما زكى بميسوره
يدربي كرشه اللي جرة للفول فيها طحين= ويشكي الظهر من حمله على خطوات معثوره
انا ماجيت من فوق البحر والا من البحرين=دياري حدها معروف ياواقف بساطوره(فلاح)
ديارك من بقايا صليب في لبنان يالمسكين=فراجعها ترى احسن لك تلاقي الأصل وجذوره(الطائر)
الا ياموترن يمشي بخطه وانتهى البنزين= ولا حصل محطه في طريقه وانتخى زوره(فلاح)
عليكم مثلها يابلبل المذنب ومعها الفين= فغرد كنك غراب على الحان مبتوره(الطائر)
انا لولا الحياء ياعود لاذكرك بالماضين= ولارجعك لاصلك عندنا حالتك مقفوره(فلاح)
على الطاقه اسير ولا ابي بنزين يالدلفين= مني مثلك اغرز في السفلت اقول هاتو الونش والشوره(الطائر)
اصولي واضحه ياصليب ما تحتاج للتخمين= ولكن اصلك المشكوك في البران وبحوره
اعرفك زين ياعثمان لابس للهوى قرطين= ولا بك حيل يالشايب مابين وحوش مسعوره(فلاح)
معي قرطين شايلها سلاح يضرب الغازين= ولكن انت من عقد بصدرك يكشف لزوره (الطائر)
ابا العبك كما الشطرنج وابقي معك بنطين= فلا تقدر على المشوار والضربات مشهوره(فلاح)
ونا من يحكم الرقعه احرك فيل ذات يمين= وحصاني يطرد المهره اذا تكشف عن العوره (الطائر)
اباغرد واقول انك شقي تلعب على الحبلين=تحش بذاك وبهاذا ومنك الناس مذعوره(الشويمان)
حكيتَ يالكحالي تحسبك طاووس من بكين= رطينك لو يفلتر كان ندري بعض مطموره (الطائر)
انا ماجبت للفاني خبر يامخفي الجدين= وعلمك بالعرب مشهور والهقوات مخبوره (فلاح)
هلا بالكايد اللي صار لين متعب باللين= يبي عصره ولا هصره على انغام مستوره (الطائر)
فلاح افلح وخلك عاقل بالوزن والتقنين= ترى بحري غزير فلا تصير اليوم سنيوره(الطائر)

[/poem]