روحه سرت يمك
 

يافرخ شيهانٍ صعيبة مراقيك00

مادورجت تتبع هواها مع السوق00

ان سرت صكت بك ستاير جواريك00

من خوف لايذي مشاعرك مصفوق 00

وش حيلة اللي به مزاجه غرم فيك00

لاقادرٍ وصلك ولاقادر يفوق00

كنه بعينه كل لحظة يراعيك00

وكنه على شوفك مشى درب موثوق0

روحه سرت يمك بليله تناجيك00

ماتشوف من غيرك على الأرض مخلوق

نادتك عطشى مهجته هايمة فيك00

ياروح روحه عانق الروح برفوق

اسأل حروفه فيك بالوضع تنبيك 00

انه يشوفك نون في مقلة الموق

لك أمتطى همس القوافي مخاويك

لاقال لك غالي ولاقال لك شوق0

يكتب ويقرأ لك ومن قبل قاريك00

وعارف جنابك سيدي قمة الذوق00

حب الحشيم اللي رماه القدر فيك 00

حب البدو للغيث لالاحت ابروق00

ناجتك روحٍ من غلاها تناديك00

ظميت وغنت لك على كل طاروق00

ان كان في قلبك غلا قلب مغليك 00

الحق ترى ماكل محروق ملحوق

أما تواصلنا على ظننا فيك00

ولاتركنا هاتف الوصل مغلوق00

رد: روحه سرت يمك
 

الجزل / حمود السكراني

صح لسانك

نص مميز لله درك يالغالي

سعدت بحضوري الأول

تقديري ,,,,,,,

رد: روحه سرت يمك
 

ياسلام عليك
ابدعت واجدت
بارك الله فيكم
تحياتي

رد: روحه سرت يمك
 

اخوي المبدع :
الشاعر / حمود السكراني
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري

أخوك / بن ماضي

رد: روحه سرت يمك
 

السكراني
صح السانك ملايين
وافية من وافي
بلاهنت اخي

رد: روحه سرت يمك
 

صح لسانك

صعووب

رد: روحه سرت يمك
 

[font=arial black]حمود ساكر السكراني [/font]
[font=arial black][/font]
[font=arial black]صح لسانك واعتلا شانك [/font]
[font=arial black][/font]
[font=arial black][/font]
[font=arial black]سجل اعجابي واحترامي لك ودمت بخير حال [/font]

رد: روحه سرت يمك
 

الشاعر حمود السكراني ..

صح لسانك وجاد بيانك

كتبت فأبدعت ..

تحياتي وتقديري..

رد: روحه سرت يمك
 

صح لسانك
واعتلا شانك

رد: روحه سرت يمك
 

حمود السكراني

صح لسانك على المصافحه الجزله

لاهنت

تقبل مروري

وتقديري