منتديات الفطاحله - جديد المطوع قصيدة (انفلونزا الخنازير)

[CENTER][SIZE="5"][COLOR="Black"][COLOR="DarkRed"]
بسم الله الرحمن الرحيم

قصيده رائعه مواكبه للحدث الابرز على الساحه الطبيه والمجتمع الدولي

للشاعر المبدع والمتميز / [COLOR="Sienna"]عبدالمحسن محمد المطوع[/COLOR]
اتمنى ان تنال اعجابكم ,,

الغرب يدرى الكلب والقط
والطير
يعالجونـه ليـن يـبـرا
صـوابـه
وحنـا بلشنـا بانفلونـزا
الخنازيـر
يموت مسلمنا ولا أحـدن
درا بـه
ووزارة الصحـه تسـوق
التباشيـر
من مات قالوا عنـد ربـي
ثوابـه
وسط الجرايد هرجهم هرج
تخديـر
وألهى المواطن لين سقمه
غدا به
ماحدن يرد الموت ياأصحابنا
مير
دكاترتـكـم ماعليـهـم
رقـابـه
لا جيتهم قالـوا تجينـا
علـى خير
أليا ألتهب صدرك وزاد
ألتهابـه
اليا التهبنـا والهبتنـا
المقاديـر
طبك يابو العريف وش
ينبغى بـه
ياربعنا هاتـوا لنـا مـن
عقاقيـر
قـوم بواشنطـن سـواة
الذيابـه
أكبـر مصايبنـا عليهـم
تياسـيـر
وأصغـر مصايبهـم ولابـه
غرابـه
أكبر علينا مـن شمـالات
والنيـر
وشـي بعـض لأحيـان
ماينحكابـه
والله مابه فـرق عـن
ربعنـا غيـر
مسؤولهم لا أخطـا شديـدٍ
عقابـه
وحنا نصيفتهـم شهـادات
تزويـر
ويداوي العربـان حضـرة
جنابـه
عقب الشهاده شاف حشمه
وتقدير
وقبل الشهاده كان ريّـس
عصابـه
يجونه المرضـى ويكتـب
تقاريـر
يدبل مرضهم لأجـل يدبـل
حسابـه
همه من العربـان جمـع
الدنانيـر
والمشكلـه دكتـور كـلٍ
يهابـه
خطاه يـودي بالرجـال
المناعيـر
المـوت وآخرهـا يجمّـع
زهـابـه
ويعطى جوازه مايبي غيـر
تأشيـر
ثم راح راسه فوق متـن
السحابـه
جا واستغل الناس من دون
تبريـر
لابوه لابو مـن سعـى لـه
وجابـه
لو ان بعضهم ماحصل منـه
تقصيـر
يسعى ويشكر جهده اللـي
سعابـه
يـداوي العلـه بحكمـه
وتدبيـر
ويراقب اللي مايخيب
الرجـا بـه
يالآدمـي والحـق ماعنـه
تأخيـر
والموت تحت أذنك منوخ
ركابـه
ماهوب هم ولو يجي دون
تحذيـر
الهم فأسبابه اليـا أركـا
حرابـه
لو هو يصيبك دون بيض
الغنادير
يامرحبـا بالـمـوت
يامرحبـابـه
الغبن لا جـا بانفلونـزا
الخنازيـر
ثم راح مسلمنا ولا أحـدن
درا بـه

[COLOR="Sienna"]القصيده بصوت الشاعر[/COLOR]

[url]http://up4.m5zn.com/download-2009-9-6-10-8lv2wvadz.wav[/url]

تقبلو حبي وودي وكل عام وانتم بخير[/COLOR][/COLOR][/SIZE][/CENTER]