منتديات الفطاحله - يوما في مدرسة تماسيح

[CENTER]حلم كل فتاه تشوف وش يسوون التماسيح في المدارس

وهو حلم جميل يراود الفتيات ولكن انظروا ماذا حدث لهذه الفتاه المسكينه التي قضت يوماٌ في مدرسة اولاد

بدأت احداث هذا اليوم لن اقول حدث في فناء المدرسه ولكن حدث امام بوابة المدرسه..

ومعروف عنا يالبنات الرقه ..والحساسيه..والنعومه :D فنصدمت بالهوشه بين مجموعه من الشباب (شيء كنا نسمع به مانشوفه )

إجرام ..سكاكين..عصي ..احجار..مسدسات(قويه شوي:D )
مناظر الدماء آلمت الفتاه وكانت ستتراجع عن الدخول للمدرسه..لكنها اصرت ايضا على تحمل هذا اليوم لتكتشف الفضايح:confused:

ومع انطلاق الصفاره ارتزت في الاول وقت الطابور

وكان تفتيش عندنا يالبنات الاظافر والشباصات انفجعت عندما كان التفيش على الشعر ..

وطبعا وقوفها في الصف الاول شفع له لأن الصف الاول عندهم حصانه فما يصف به إلا الدوافير والدوافير إذا قلنا ياكثرهم ثنين في فصل واحد

شرفت الآنسه الفصل التفتت يمنتاً ويسره لايوجد إلا 7 طلاب والباقي غياب :eek:

3 منهم نايمين و2يخططون على التهريب وواحد يشخبط على جدار الفصل وواحد يسطر دفاتره(طبعا هذا الدافوره اللي صاف قدام )

الفضول دفع الفتاه وراحت تشوف الولد اللي يشخبط على الجدار ولقته يكتب موسوعة حياته للأشياء اللي صارت له قبل سنه و8شهور و3اسابيع و15 يوم و4ساعات و5 ثواني >>الأخت ماسكه خط:D

ويكتب توقعاته اللي بتصير له بالمستقبل(يحلم يصير ضابط اول انتبه وذاكر وبعدين احلم:p )
وهذا غير احلامه الورديه قلوب ودموع الاخ مجروح ومتعذب وطفشت من اخينا عرفت انه مطول علها في كبدها

وراحت لجيمس بوند وخويه بتشوف كيف خططهم للهروب وياليتها ماراحت طبعا الخطه باديه من برى المدرسه وقبل لايدخلون السياره مسفطه بجنب الجدار لاتسغربون للحديث بقيه تكملت الخطه تبين السبب ..

طلعوا من الفصل وطلعت وراهم كل واحد طاق لطمه ويمشون بسرعة 220 والبنت وراهم وإذا هم يتوجهون للبراده فقالت اكيد عطشوا وإذاهم ينطون على البراده..

طبعا الحين رجعنا للسياره وكانوا موقفينها جنب الجدار علشان يطبون عليها..
كان ودها تحرش وتصير دبوس بس طبعا حنا اخلاقنا يالبنات ماتسمح :p

وفي وقت الفسحه تكملت الهوشات اللي بداية الدوام وغيره..واطلع لي ..وإذا كنت ولد ابوك عند الدوار (ياشين العنف:p )
واللي مسوي كريم وعازم الشله يباشرلهم..
وجاك عاد وقت توزيع الكتب عاد شوف مين ياخذ كتب بالملعنه واختها المعلمين يترجونهم ياخذون..

ويالله تعين استاذ حقد عليه طالب والرحمه على سيارته ..

وفي وقت الصرفه انتهى اليوم ..وجاء وقت الهجوله قدام المدرسه ولعيونه ..لخشمه المهم حاجه في وجهه بس مدري ايش:D

وانتهى اليوم ومانتهت المشاكل ..
وطبعا الفتاه اول ماطلعت حمدت ربه انها طلعت سليمه وان ربي خلقها بنت

ايه نسيت اقول البنت كانت متنكره:D

ملاحظه: القصه لاتمت للواقع بصله من ناحية دخول الفتاه للمدرسه مب من ناحية الاحداث وماخفي كان اعظم:p

سؤال للاذكياء فقط:لماذا كان الدافوره يسطر دفتره؟

والأختبار متابعتك للقصه ومدى استيعابك اجب على هذا السؤال:

كم مره ورد ذكر طبعا وطبعا الحل بالقصه:D

_______________________________________________________________________

وتوكم ماشفتوا شيء بس خلوني لين ارتب الافكار[/CENTER]