رعبوب شامـخ بالحشـا كامـل العـز
كنـه علـى ماقـيـل أعـجـاز بأعـجـاز
ممشـوق طولـه لامـشـى ثــم تعـكّـز
رحم الهـوى ردفـه علـى لعـب نقّـاز
مـشـروب بطـنـه والـصـدر لاتــرزّز
ينساق قلبي لو على الشوق ماحـاز
حتى عيونه في وسط شوفهـا غمـز
ولمعـة خــدوده تتعـبـك كــل مـانـاز
فـي مبسمـه كــل الـحـلا لـزنـي لــز
عـذب اللقـى فـي غيهـا روح تجتـاز
كـلـه عـلـى بعـضـه مفـصـل مـطّـرز
فـلـت مسابـيـح الحـلـق دون أبــراز
أنمـا قريتـه بالـهـوى وأفــرزه فــرز
أنمـا كتبتـه مـفـردة جــوز وأجــواز
هذي حقيقـة قـول ماهـي تـرى لمـز
هــذي وصـوفـه بلـغـلا لاوقــف راز
جمعت فـي حبـه جواهـر مـن الكنـز
وأفرح بها كل ماعتلـى فينـي انجـاز
يالـلـي تحـلـون العـقـد فـكـوا اللـغـز
احترت مدري كيف انـا افـك الالغـاز
صح لسانك
ولاهنت