ايها الاخوة الاعزاء من الارشيف انقل لكم هذه القصيده..
اتمنى ان ترتقي الى مستوى اعجابكم.
بسم الله الرحمن هاض الفكـر هـاض=مـن نكـرةٍ شاعـت بليـا مـوازيـن
يا شيب عيني مـن رديـات الالفـاض=في شعر من لا يفرق الزيـن والشيـن
ينظم قصيدٍ مـا بـه الخيـر خـواض=ممحوق ولا يا تـي مسـرات للعيـن
جـرَّاح للخاطـر وللنفـس مــراض=علـة معلـق صاحبـه بالشياطـيـن
يبني بيوت الشعر قصَّر مع اعـراض=الشرك ياخذ منه معرض عـن الديـن
الظاهر انـه يكتبـه وسـط مرحـاض=فعله يجي يـا نـاس فعلـت مجانيـن
يحلـف بغيـر الله والكـل مغـتـاض=يوم انتهج مبدا هـل الشـرك والبيـن
دايم يسـب الدهـر ماشـي وركـاض=كن الحـروف بعالمـه بـس حرفيـن
يشكـر شياطينـه اذا بالشعـر فـاض=عوذا مـن اللـي بالجهالـة غريقيـن
ما من كلامه فـود ولا فيـه تعـواض=مثـل الـذي ينفـخ صميـلٍ بشقـيـن
والخاتمـة الشـافـي الله لـلامـراض=يشفـي عقـولٍ شوهـت للـدواويـن
وصلاة ربـي عـد طايـع ورفـاض=على صفـي الخلـق وختـم النبييـن
دمتم سالمين وغانمين.