قصيدة لشاعرنا مبروك بن ماضي في جريدة الجزيرة اليوم
بعنوان اصبر ولا تجزع
إنك تظن الوقت في ركبْك يسير =أكيد واهم يابن آدم وغلطان
كل الدلايل نحو خسرانك تشير =إلا التقي: من بُدّة الناس ربحان
طبع الزمن يجري وتجري المقادير =بتقدير ربك لك. وما قدّره كان
ناظر بعمرك وش تبي من مثل غير =مع مرور الوقت يزداد نقصان
وأظن ما تحتاج لك زود تذكير =لله أمر بالعدل دايم والاحسان
صلِّ واغتنم دنياك واعمل عمل خير =بالآخره تلقاه. مانته بندمان
واصبر ولا تجزع لكثر المخاسير =ترى الخساره قلة الدين يافلان
لي صار ما عندك حدود ومحاذير =وتمشي بليا هدي واضح وعنوان
ولا تشعر بزلات منك وتقصير =وتعيش في دنياك لا هي ونسيان
غافل وما تدري مصيرك وش يصير =متناسيا ان فيه جنة ونيران
هنا هنا!! تحتاج وقفه وتفكير =تصدق مع خالقك فيها من الآن
تدخل على اسلوب منهجك تغيير =ثم توزن أعمالك دواما بميزان
خذها نصيحه قبل تندم وتحذير =واعلم بأن غفلتك من ضعف الإيمان
يمكن يجد هالأمر في القلب تأثير =وتبصر له عْيون وتصغي له آذان
مبروك بن سالم بن ماضي
http://www.al-jazirah.com/192504/tr6d.htm