[نجم الإبداع]

يالله ياعالم بهيضي والاسرار = يالي كتبت الموت للناس محتوم
يالي تقدر عيشنا بين الاخطار = والروح من علمك لها سر مختوم
ترحم حسن وتسكنه بين الاخيار= وتصبر اهله من لهيب امر محسوم
جاني الخبرحسيت به مثل الاعصار=من فرقته فينا بكى الحزن مهموم
طائر في الجنه وماحوله اسوار = شفيع لاهله لو غدى القلب مكلوم
عاش الألم واحتار به كل بيطار= قصه حزينه فارق الارض محروم
انا اشهد ان الله لشوفته مختار = اطهر من الدنياء ولا زال معصوم
لاضيع الله سعيكم بين الاسفار= ياسعد هذي قدرة الله ولا لوم
من يحتسب لله يسلم من النار = جعل البقاء في راسك الي سلى النوم
ياصاحبي هذي امانه وتذكار = هذي نهاية كل حيٍ على الدوم
عارفك مؤمن مامعي شك وانكار= واحس جرحك وانت وافي ومحشوم
الدايم الله وانت مافيك تختار = نحيى عشان الموت والعلم مجزوم
الله يصبركم على جور الاقدار = ويعوض الي راح في درب مرسوم
من غيبتك ياصاحبي صغت الاشعار = والله اني أفقد كل وافي وزيزوم
ياسعدْ لاتبطي ترى تظلم الدار = ارجع لنا ياسيف بالشعر معلوم