كافي زعل ياروح هالروح كافـي
مشتاق لك والعين تشتاق شوفـك
في غيبتك بانت جميـع الخوافـي
وانشقّ صدري من مواري كسوفك
من حرقة غيابك بقـول اعترافـي
ما نامت عيوني تلاحـق طيوفـك
آدوّرك وامشي بهالارض حافـي
وآطا على اشواك الهجر ما اعوفك
تعبـان بغيابـك وقربـك يشافـي
تشفي جروحي كلمة ٍ من حروفك
كلمة أحبك بعـد طـول التجافـي
وش حلوها تبعد من القلب خوفـك
كبّي الزعل والقلب للقلـب وافـي
قولي متى ترضي وتسمح ظروفك
محتاج اضمّك حيث لك صدر دافي
وآقابلك والمـس بيـدّي كفوفـك
انتي بليل البـرد ستـر ولحافـي
وانتي لشمس القيض ظلّي بروفـك
يمّ العيون الدعج والخـد صافـي
محلاك ياعمري ومحلا وصوفـك
وكافي زعل ياروح هالروح كافي
مشتاق لك والعين تشتاق شوفـك
صح لسانك واثلجت الصدور في هذي الكلمات