[نفحة الطيب]

المشاركة الأصلية كتبت بواسطة نجم الإبداع

للظلم انحسار وشفت للحق انتصار = والدنيا عروس وتكثر الاصباغيه
تسحر عين عاشقها بليله والنهار = تلبس له خيال وصوت كاس وباغيه
يظلم قبل خلق الله نفسه بالمسار=بين الناس لامن صاح كنه راغيه
كنا نحسبه زيزوم الا قام الحصار= اثره من جنونه شقق الارفاغيه
كنت احسب معه بارود يحمي كل دار=عايش تحت ظله شعب واذنه صاغيه
اثره لعبة الشطرنج لعبه باختصار=عوّد تحت كف الموت كنه ثاغيه
كنت احسب سلاح ارض العرب دون الديار=واثره صوب صدر الشعب للافراغيه
ثار الشعب في تونس وفي مصر انفجار=والليبي شجاع وجاب راس الطاغيه
وارض الشام فيها القتل واي بشار جار=اما فاليمن قد حل قتل ولاغيه
وارض الرافدين الموت فيها له غبار=من عشرين عام ارواحهم متناغيه
والقدس انكوى ستين عامِ بانفطار=والهاجس بكى وانا امسحه بشماغيه

صح لسانك واعتلى شانك
نص يجبرني على العوده بدل المرة مراااات
حفظك الرحمن من كل سوء