[عبدالمحسن الرحمه]

المشاركة الأصلية كتبت بواسطة داعي الشوق

دكتور ما نلقي لنا عندك علاج =*يشفي جروح اللي كثيره شكاويه*
جرح مسبب له غرابيل و ازعاج =*ياليت يا دكتور تقدر تداويه
ما عاد له من ضيقة النفس مخراج =*يشكي زوابعها و زادت *بلاويه
تلعب به الايام مع كثر الاحراج =*و اوهامه بنصف الليالي تسريه
و القلب مما جاه كنه على صاج =*و العين من دمع العنا غارقه فيه
لجل الذي كله دلال و تغناج =*اليوم بايعني و انا كنت شاريه
مدري وش اللي خافي بذيك الادراج =*يومه يجافيني *و انا اللي مصافيه
فرشت له في داخل الروح ديباج =*من شان ما تجرح شجوني مواطيه
الله عليه اليوم ما هوب محتاج =*نسى مواثيق الغرام و دعاويه
ما اريد يا دكتورنا غير الافراج =قلبي معه و الله يبيحه و يعفيه

الله الله الله ياسلام عليك شاعرنا المميز والله جبتها على الجرح
صح السانك ملايين احترامي لك