[نجم الإبداع]

يابنت ياللي كل ماحولك ابداع=لو مال معك الفكر ماجاب بدعه
لانك سلام ومنطقك فيه الاشباع=طيب السجايا فيك والروح ودعه
مني الجوارح سلمت لك بالاجماع=والقلب ضامي ماكفى الحب قدعه
حبي صدى ايمان بالعشق مارتاع=ماحل جوفه يوم للحب خدعه
انا هويتك وان صفى الوقت ماباع=قلبي وفي والوقت لك منّ جدعه
غنو بنات الفكر واطربن الاسماع=رد الصدى من قلب في لد صدعه
حرفك وهمساتك ورسماتك امتاع=نهر اخترق روحي وما طقت ردعه
شفتك ملاك الروح يازين الاطباع=وشفتك من الجوهر عقيقه وودعه
اخذي خفوقي ورد واخذيه منصاع=واخذيه نبض الشوق واخذيه بدعه