[الطائر المهاجر]

هلا بك ضيفنا الغالي .. هـلا والفيـن ترحيبـهنهلّي بك من قلـوبٍ علـى لقيـاك مسـروره

اذا كان الكرم طبع العرب والكل يـدري بـهاجل وشلون لو يدرون ضيفٍ جايـب خيـوره

امـرنـا الله باكـرامـه ولا نـهـمـل مواجـيـبـهوخصّه بالفضل من بين باقي العام وشهوره

فرض فيه الصيام وسهّـل المولـى مطاليبـهوانـزل فيـه خيـر الذكـر للإنسـان دسـتـوره

بليلـه كالفـجـر طـالـع عـلـى أوّل تراحيـبـهحباهـا الله بالإيمـان نــورٍ شــعّ مــن نــوره

بها ينزل ينادي ويـن مـن يدعـي وانـا اجيبـهالا وينـك ياعـبـدالله تلـبـي دعــوة حـضـوره

تـرى طوّلـت بالـصـدّه ولا تنفـعـك هالغيـبـهخذاك الوقـت بدروبـه ولا حسّيـت بخطـوره

تأمل وضعك الخاطي عسـى يمديـك ترتيبـهبفعل الخير ما تضمن تعيـش وتلحـق لـدوره

فـلا تغتـرّ فـي وقـتٍ خـدع غيـرك بالاعيـبـهرحل ماله رصيدٍ ينفعـه والصحـف منشـوره

مـدام إن العمـل يقبـل فبـادر قبـل تغريـبـهالى دنيا حساب ولا عمل والخلـق محشـوره

تقـرّب للـذي مـا صـكّ فـي يــومٍ مجابيـبـهقريب منك لـو ناديـت فـي قيعـان مهجـوره

فرب النفس بالطاعه بفعـلٍ مـا تمـاري بـهتبي من ربك القبلان ترجـي ذنـوب مغفـوره

وتعلّم كيف تقنع في حياتـك تكسـب الهيبـهفلا تحتاج فـي يـومٍ لشخـصٍ تـدري غـروره

وتعلّـم حـب اخـوانٍ علـى دينـك بــلا غيـبـهولا مجامل على باطل يهدم الحق وقصـوره

ومادام إن الشهر ضيفك ومثلك من معازيبهعليك بفعل تشكر به ولاتنقـد علـى قصـوره

تصـوم صيـام متعبّـد يبـي مــن ربــه يثيـبـهتهجد في توالي الليل في لحظات محضـوره

وتسلّي النفس بالقرآن ..تأمل فـي اساليبـهوتمعن في تفاسيـره ولا تستعجـل سطـوره

يزيـدك عمـق بالإيمـان بـربٍّ عـالـم لغيـبـهويعطيك المناعه في زمـانٍ كثـرت شـروره

الا يا صاحبي اصحـى كفـاك النـوم والسيبـهفعمرك راح ما حسّيـت ولا فكّـرت بمـروره

تشيل هموم تتضايـق وتحـزن لاتفـه مصيبـهتبي الراحه ولاتدري عـلام النفـس مقهـوره

لأنـك مـا قربـت لخالقـك مـن نفـسٍ منيبـهتصلي في خشوع الزاهد اللي ركّـز شعـوره

يناجي سامع النجـوى ويبكـي فـي محاريبـهيبـي حسـن الختـام وجنـةٍ بالعـدل معمـوره

تـرك دنيـاه مـا غرّتـه لـو طابـت مشاريـبـهيعرف إنّه ولو طال العمر راحـل بـلا شـوره

كـذا ترتـاح فـي دنـيـاك بقـلـبٍ زان تهذيـبـهوتشعر كيف بالإيمان نفسـك دوم مسـروره