أسئلك باللي كون الناس من طيـن
خلك صريح و لاتهـاب الحقيقـه
قلبك اكيد من النساء فيه شخصين
الزوجه اغلى حيـل ولا العشيقـه
هذا سؤالي جاوب اليوم والحيـن
لاتقـول باكـر مايتئجـل دقيقـه
جاوب تكلم قـول مافيـه بعديـن
ارجوك قلبـي لاتـزود حريقـه
لاتفتح جروح(ن) فقلبي من اسنين
ياصاحبي فيني جروح ن عميقـه
خلك صدوق ومع بعضنا صريحين
الكذب يالغالـي تجنـب طريقـه
حبله قصير وينكشف لو بعد حين
الكـذب لاوالله حشـا مانطيـقـه
على غلاي ابغى دليل وبراهيـن
قول الحقيقه لو خسـرت الرفيقـه
ياصاحبي تختار وحده من اثنيـن
ولا توكـل واعتبرنـي صديقـه
صح لسانك الشاعرة الرائعه وابنة العم الذاهبه
قصيدة جميلة تترجم صدق الاحساس
ولكن ماصعب الاختيار
لاهان راسك حبيبتي
سلمتي وسلم شعرك
ودمتي بالف خير