[COLOR="Wheat"]
ماطمعت بحلم وردي
أو نجوم تسهر معايا
أو قمر ياخذ بيدي
واترك الظلمة ورايا
ماحلمت بغيمة بيضا
أختبي فيها وأنسى
إني بين الناس وحدي
كل أحلا مي صغيرة
وكل غفـواتي قصيرة
وليلي يعرفـني واعرفه
ماله غيري ،
ولا لي غيره
وحدة مرة
صادني حلم و تمادى
في السما علق قلادة..
دلىّ لي صوته ونادى
وارتفعت..
صرت اطير..
وكل شي في الأرض يبعد
يبعد اكثر
يصغر اكثر
من صغير إلى صغير
إلا إنت!
زي (م ) نت
باقي في عيوني كبير.
ومو كثيرإنك تصير
رقة احساسك تخلي كل هالعالم يغني
كل ها العالم يطير
بس صباح الخير منك
تفرش الصحرا زهور
يبلل الرملة شذاها
وتمطر ابيات القصيد
ماتكفيها السطور
ويامساء النور ليا
سحرها أخطر عليا
هبت النسمات تبرق
والورق زاهي ويسرق
من عيون الليل شمعة
والشجر يغطاه نور
كيف لو إنك ضحكت ؟!
ضحكتك تقطر مودة
تسكن الخاطر لمدة
والفرح يمطر عطور
وفي بقايا الصوت نغمة
لو حكيت..
ادركت فجر يغـرد،
وسط أعشاش الطيور،
ولامست للشمس طلة
اشرعت في الكون ضوك
واستحالت عتمة الدنيا بدور
تاخذ احساسي معاها
وآخذ احلامي واطير
وكل شي في الأرض يصغر
من صغير إلى صغير
إلا إنت ،
تبقى إنت،
دايم في عيني
[/COLOR]