مثلك ترى من حياتي انتهى مره=ماعاد تطري علي وان جيت بالطاري
حب ٍ بداء بالخيانة فكني شره=اخاف باكر معك يسري بي الساري
فرقاك عني غناة القلب وتسره=لاصار قربك جروح تبرر اعذاري
اعز نفسي واذوق من الشهد مره=حاليك علقم وانا حالي بها داري
وابشرك حالتي بلياك مستره=مالي بشخص ٍ كساه الكذب والعاري
ياويل قلبي من اشكالك ويا حره=ياحيف ليتي بكم طاوعت الاشواري
من ذاق سم الافاعي وعاود الكره=لابد دربه تسوده كثر الاخطاري
عضيت كف الندم وش لي بمغتره=ودونتها بالقصيد ودفتر اشعاري