يحن قلبي
يحن قلبي للحبايب ويشتاق=والشوق يرسم طيفهم في منامي
أحبهم وأسهر مع الحب تواق= فيهم حديث النفس وأحلى كلامي
ظنيتهم للبعد ناوين بفراق=رغم ان حبك قد حفر في كياني
عرفتهم قدري و انا كنت سباق=واللي عطاني الحب راح ونساني
جملتني يالله بحكمه وأخلاق=صبري على المحتوم زوّد إماني
من ساقني للحب ما نيب سواق=أبعدني ابدربه وضيع مكاني
لو يعرف المحبوب قدره بالأعماق=ما يبتعد عن وصل خله ثواني
الهجر ما يرحم مثل قطع الأعناق= لو قطعوني فيك و حطوا كفاني
دامي أنا مغليك والصدر ماضاق=حبك بقلبي مسكنه بالمحاني
الله مقسم للمخاليق الأرزاق=عليه أبشكي ما غشاك وغشاني
با صبر على المقسوم وبقلبي أشواق=للي تركني وابتعد أو جفاني
الشوق للمحبوب ماهوب ينباق=من زود ذكره شاقي(ن) به لساني
محمد بن عبدالله السلمان