مساكم الله بالخير هذه القصيده موجهه لاحد الزملا ء
آمل ان تنال على استحسانكم
يا بو مطير ايا منا كالدواليب=يومن حزن واليوم الآخر مسرا
ويومن تحقق لك جميع المطاليب=ويومن بها حالك على مايسرا
ويومن بها الدرويش يلقى المكاسيب=ويومن بها ذيب الخلا مايكرا
والرزق ماوده اسنون و مخاليب=مقسومنا لازم علينا يمرا
اقرب قريب اليوم مثل الاجانيب=وقت اللزوم ابظلهم ماتذرا
في حاجته كزوا عليك المناديب=ولاجيت بيته قالوا افلان برا
وين الجماعه وين عز الاصاحيب=وقت اللزوم الكل منك تبرا
وقلنا على الله دون شك ولا ريب=ومحد(ن) ترا غيره نفع اويذرا
ويالله جنبنا طريق العذاريب=واجعل لنا بجنان خلدك مقرا