لاحظنا جميعاً الحملة الشرسة على رجال هيئة الامر بالمعروف والنهي عن المنكر .
وهم رجالٍ اجلاء وظفوا كل طاقاتهم لخدمة دينهم ووطنهم ومليكهم
والشعب اجمع وسهروا على راحتنا ونحن في نومٍ عميق عن ما يجري حولنا من الافكار والاصوات المعادية للاسلام .
يا محارب الهيئة هذولا هل الدين = والا انت مسكينٍ ما منك استفادة
ذولا من اركان الامن يا مسيكين = تسهر على امنك وانت فوق الوسادة
وذولا رجال النصح وانتم شقيين = والشر بذن الله يموت ابمهاده
وذولا رجال العلم ومن المصلين = يوم ان عينك مثل عين الجرادة
اغووكم اهل العولمة والشياطين = وروس النكد ما تزرع الا النكادة
حب الوطن فيهم بدم الشرايين = وحب المليك ومن سكن في بلاده
حنا نفكر فالعراق وفلسطين = وانته تثير المشكلة يالرمادة
هم نصرة الاسلام وانتم على وين = لكن سنعكم عند راس القيادة
تكفى يابو متعب صعوط المجانين = يا محققن للشعب غاية مراده
إلجم لسان اللي يسب المسلمين = راع الفتن لا ننفتن في جهاده
كل البشر تخطي منول وهالحين = ومكتوب والمكتوب مامنه احاده
ولابه احد معصوم حتى النبيين = وهم رسل الله وخيرة عباده
ذولا بليا شك صفوة وفيين = تاخذ من الدين الحنيف الرشاده
وذولا رجال الدين فالعسر واللين = وانته حزام الدين وانته سناده
وذولا موازين العدل ياحمر العين = والمجتهد يمكن يزيد اجتهاده
وهذي قضايا كل اهلها مذنبين = اترك ضعيف العلم وامسك وكاده