جيت في الوقت الاخير
عقب ماراح الحنان
واندثر وسط الرمال
جيت تبحث عن حنان
من كثر ماعانا قلبي
واطرخ شوقي وحبي
راح قلبي هو يقول مالقيت فيك الامان
وكلمااقرا رسايل
تسال اوراقي تقول وين صاحب هالرسايل
غيبتك طالت سنين
وجيت في الوقت الاخير
تطلب احساسي يجيك؟!
رحت من عقلي ابد
ومن قلبي وجداني بعد
وراحت اشواقي تقول
اندثر لا ماابيك
عشت ايام الالم
وسط السهر ذاب الالم
وذاب حبري في القلم
يوصف بريشاته انين
يكتب سوالف عابره
يسكب على قلبي حنين
وكلما يكتب رساله
عبرتي تمحي الرساله
تستنكر افعالي تقول
وين الاصايل والاصاله
جيت في الوقت الاخير
ومادريت ليش المجي
تطلب سماح؟
ولا تسامح؟!
درب حبك غير واضح
كم اعاني كم اكافح
كيف تبيني اليوم اسامح
عقب ما تعديت الحدود
اللي كانت قايمه
بيني وبينك كالعهود
جيت تبحث عن حنان
لا حبيبي ابتعد
ما لقيت فيك الامان
ايمن الشهاري