[ماجد الزيد]

المشاركة الأصلية كتبت بواسطة الصريح العتيبي

سلام الله على الهيلاء عتيبـه مزبـن المضهـود=صناديداّ يدوسون الخطر روقي وبرقاوي
رجالاّ مالهم عيـش ومكـان الا سنـام الجـود=مفاخرهم على طول الدهر يروي بها الراوي
نزلنـا نجـد يومـاّ القبايـل طـارد ومطـرود=بوقت عالمه ماهي بلا ترحم ولاتاوي
نسوق الظين والمظهور والخيـل وبنـات القـود=مسيرتنا سويه يمشي الوباّل والشاوي
ويوم الله كتـب عـز البـلاد وحقـق المقصـود=وماتت في الجزيره قصه المردود والحاوي
حملنا مع مداغيش القبايـل رايـه ابـن اسعـود=انصبح مع صباحه وان ضوى نضوي مع الضاوي
لا والله ماتفرقنـا ولا يمكن نـخـون عـهـود=ولامنا قليل العرف والمثبور والغاوي
منول من يكـون اللـي يفـرق راينـا المعقـود=اليا منا فتلنا الراي يعوي دونه العاوي
وكلـن يـدري ان التفرقـه وسلوبهـا منـقـود=وعقل الي سعى بالتفرقا بين العرب خاوي
وانا انادي بجمع الصف وابذل دونـه المجهـود=واقول الي جرح من غير يدري بكره يداوي
ياربعي ياحزامـي ياذرايـا عـن هبـوب النـود=انا في موقفاّ يحتاجني روقي وبرقاوي

والله والسبعة انعام ببرقا وروق وكفو وربي يستاهلون يابعدي
صح الله لسانك وجاد و اجاد بنانك
تقبل مروري وتقبل ودي واحترامي لشخصك واعجابي بحرفك