[ابومياس]

مذكرات طفل
(الحلقة الثامنة عشر)


عدنا لكم من جديد

اخبرني صاحبنا عن احداث قديمة فقال :

في يوم من ايام رمضان قررت ان اصوم وكان عمري 9 سنوات طبعا النوم عندنا في ذاك الوقت

بعد صلاة التراويح مباشرة الطيب اللي ياصل البيت ماينام في عرض الطريق

فنمت وانا اخبرت الاهل باني سوف اصوم غدا ولكن عليهم ان يصحوني للسحور

ولكن لم يفعلوا يمكن نسوا او اشفقوا على لصغر سني

المهم صحيت واذا الوقت في الصباح والشمس طالعة

قلت عناد في نفسي لهم الا اصوم اليوم طبعا قمت ووانا عطشان وجايع

المهم صمت والعطش يشتد خصوصا ان رمضان كان في عز الصيف

وصلت الظهر وانا افكر بالورطة اللي ورطت نفسي بها وينطبق علي المثل اللي يقول

( اللي ماهو قد المرجلة لايسترجل ) بس ذابحني العناد اللي ما لامه داعي

وصلنا العصر وانا ما اقدر اشووف اكثر من خمسة امتار قدامي

وطايح على الفراش والاهل يقولون اذا انت عطشان افطر وانا اقول لهم لا ابد

انا لاعطشان ولا جيعان المهم وصل المغرب وانتظر الاذان وعندما اذا

الناس تاكل تمر وتشرب قهوة وانا جالس اشرب مويه

وشوي وارجع اللي شربته وهذاك علمي بنفسي 0

ماصحيت الا الساعة تقريبا 10 مساءً 0 وانا في حاله يرثى لها 0

جابوا لي اكل ومويه وافطرت في منتصف الليل

وبعدها قلت بنفسي اذا صمت وانا صغير صطروني0


وقال لي :

كنا في فصل الصيف وبالتحديد في كنة الصيف او مايعرف بطابخ التمر

وكنت طفل بس نشيط ما امشي الا تحصل الغبار خلفي من السرعة

بس انتظر احد يقوول لي جب كذا والا كذا كني سيارة رالي صحراوي

المهم احد التفحيطات مادريت الا النار في رجلي والله ماتسمع الا صرختي

ايش فيك ايش فيك وانا ماغير اقول لهم رجلي رجلي

اثر ني اثنا التفحيط مريت على عقرب بالطريق ودعست عليها وهي شافت شغلها معي

بس ياهي لدغة بنشرت بكفرات سيارة الرالي 0 اللي هو انا 0

طبعا مافيه مستشفي جيبوا مدري ايش والا هاتوا ايش المهم جابو سائل صغير

وقالوا هذا زيت خاص بلدغة العقارب وحطوه على رجلي بس مافيه فايدة

الالم متواصل وصار يسري في رجلي وارتفع الى الساق

اخر شي جابوا سطل مليان بنزين وحطيت رجلي فيه 0 وانا اقوول ما اطولك ياليل

بعد التفحيط والوناسة الرجل بسطل بنزين 0 ( ملاحظة كنت افحط وانا حافي )

اصلا النعال ما البسهم الا في مناسبة اوو في الدراسة واحيانا الدراسة نروح حافين

وماهو مستغرب ووماني حاله شاذة في المدرسة فيه غيري كثير حافين

يعني تمشي حافي او لابس نعال ماتفرق 0

هذا ماقدرت ان ادركه من صاحبنا ووعدني بالمزيد

(يتبع)