[حسن سيد]

ياصاحب القرعة=فيه شعراية طالعة
طالعة كدا بميلة=عاملة لنا هوليلة
نايمها بالشامبو=لتطير كما الجامبو
بخها واكويها =لا العين تيجى فيها
بالتلج بردها =وبالمية حميها
على رأسك البيضة= فيه شعراية واحدة
وفى ليلتك السودا=هاتموت ومنتحرة
وديها للملجأ=دى وحيدة ويتيمة
وتشوف ليها اسرة=وتعيش حياة كريمة
لا فى رأسك الصلعة=الوحدة تقتلها
الشمس تكويها=والبرد بهدلها
اهى قاعدة وبتعطس=هاتسى
بردانة بتكتك=ياخوفى لاتفطس