ابطيت عنكم وزاد شوقى لكم
العذر والسموحه
ورقه قديمه اتركها لكم
ولى بياض قلوبكم
"""
"""
لانامت اعيون الحسود والحسد يسرى فى دمه=لانامت عيون الجبان اللى ينادى بحلفنه
انا تركت احقادكم لقلوب سودا مظلمه=ماعاد يغرينى العبث ويا دروب الخرفنه
ماهمنى قول الحسود اللى توسط محزمه=لا ما يحرك ساكنا مهما حفر من مكمنه
ازريت اهاود همتى اشد عزمى واحزمه=اقرا عليه ام الكتاب اونسه واطمنه
حلما قصر عن مطمعى لا.. لا.. ابد ما احلمه!!=ماهمنى لو ما تحقق بس اشوفه واعلنه
اذا وجب حق القصيد اكتب قصايد ملهمه=شاعر وانقى مفرداتى كل ابوها حرفنه
اكتب حروفا صادقه وانفض غبار العولمه=مابغى الشوايب تختلط باحساس قلبى موطنه
وماحب اناقش بالقصيد اخطوط حمرا محرمه=اكتب على بيض الورق احلى الغرق والونه
ياللى تعبث بالحكى مالك ومال النمنمه=اختر جوابا يرفعك ون ما عرفته خمنه
كلا تغنى بالقصيد اللى اقوله واعلمه=حتى ولو صم الصخر بغناى لازم افتنه
يبقى طلاسم ساحرا صعبا عليك اترجمه=حتى ولو طال الزمن ونا احسبه لك بالسنه
اجيك بطروق البياض ان كان ودك تفهمه=وان كان نفهت البياض ابشر بطرق الملعنه
لو الشعر ياصاحبى حكى وسوالف همهمه=كان انكتب لك صفحتا تزخر بوصف العلمنه
اكتب بخط ينقرا خل الحروف المبهمه=ان كان خطك ينقرا ولا وجوب تحسنه
كم كلمه من قالها يندم وهى تترك فمه=ماصانها وحصانها بيديه يمسك برسنه
المرجله ياصاحبى تظهر بوقت الملزمه=الا على اللى عتدهم فيها مشاكل مزمنه
لملم بقايا شلتك وعقول جوفا منسمه =مالك رجا فى هامتى والقاع راسك مسكنه