احتريتك لين ماقفّت سنيني = يشهد الله مانسيتك ربع ساعة
كل معنى الحب مابينك وبيني = بس تكفى لاتطوّل بالقطاعة
الله اللي في غرامك مبتليني = والله اللي حطك بروحي وداعة
لين ياالغالي تبادلني حنيني = وانت عاشقني بتفكير وقناعة
اشهد انك يالغضي مني وفيني = ولطلبك السمع ياخلي وطاعة
انت يالمحبوب لعيوني وزيني = وان بغيت الشعر .. فأبشر بأستماعه
بس لاترحل ويقتلني ونيني = خل هجرانك لمحبوبك (اشاعة)
لاتروّح مثل ماراحت سنيني = ولاتخرّب مابنيت بظرف ساعة