مواقف الشله في الكليه
السلام عليكم 7 7 7 ماسمعت أحد يرد ترى رد السلام واجب يعني اللي يفتح الموضوع لازم يرد ب عليكم السلام ثم يكتب اللي يبي واللي مايبي يعلق يكتفي برد السلام متابعي مواضيع كشكول أدري أني غثيتكم بمواضيعي بس تحملو شوي وصراحه أنا أحب قسم كشكول لأني أكتب فيه اللي أبي يعني اطلع مابدخلي خخخخخخخخخخ ############################## ######## موضوعي:مواقف وطرائف شلة الأنس نزول المواضيع:بعد كل موقف وعند كل لحظه أتذكر فيها موقف من مواقفنا (((والله تراهي كثيره بس أنا بعطيكم الفريش الحين والمخيس في الذاكره راح أعطيكم اياه بعدين))) سبب الكتابه : حتى يكون مخلد في المنتدى ومتى مابغت وحده منا تضحك وتتذكر تقراه وبناء على طلبهم كتبت $$$$$ماأطول اصلن الموقف خلقه طويل وأكيد أنتم مليتوا لذلك معكم بريك كل ماطفشتوا $$$$ اليوم الاربعاء الموافق مدري كم من شهر 2 أظن من السنه اللي بعد 1426 كنا جلسين(في وقت بريك الصلاه) كلنا أنا ونجود والعنود والهنوف ماعدى جودي (وجدان) كانت فوق عند القاعه (مجتهده بسم الله عليها) كانوا 3 صبايا يتأمرون ضدي وأنا ماعنديش حد اللي معي في حزبي وجدان فوق صح أنا ووجدان بس ثنتين وهم ثلاثه بس كم فئه قليله انتصرت على فئه كثيره طبعا حنا بننتصر عليهم بذكائنا وحسن تدبيرنا المهم>>>>>>>>>>>> الهنوف:ترى مابقى وقت خل نروح القاعه. نجود:يالله خن روح عهود(عاد حنى ناكل وتونا ماخلصنا)) اقول خل ناكل بعدين نطلع اكلنا شوي عهود:ياالله مايمدينا نصلي نجود:لا المحاضره تبدى متأخر خل نروح مركز التصوير ....راحت الهنوف ونجود لمركز التصوير ...رحنا أنا والعنود فوق عند القاعه وأخذنا عباياتنا معانا علشان نصلي..وصلنا عند القاعه عهود :بنصلي هنا ((ندور مكان نصلي فيه)) العنود:لا بنروح هناك عند الأبيض مافيه زحمه ورحنا عند الابيض على قولتها وأن الزحمه صدق قويه عهود:العنود مافيه زحمه هاه الله ياخذ بليسك ليتني ماسمعت كلامك بنرجع مكانا الأول اصرف لنا ورجعنا وصلينا دخلنا القاعه ولقينا وجدان جالسه ورى في الأخير وتشر لي يعني تعالي عاد القاعه صغيره وزحمه من جد جلست العنود مع بنات وأنا رحت عند وجدان وحسيت المكان مكتوم عهود:وجدان خل نروح قدام كتمه وجدان:فيه مكان عهود:تناظر قدام ثم تقول ايه فيه كرسيين وجدان ياالله نروح ............وجلسنا قدام..وتجي الهنوف_ ونجود لسا ماجت كانت تصلي .. الهنوف:الله ياخذكم وين اجلس((عاد الكراسي اللي في القاعه كلها فل مليانه)) وجدان:اجلسي على الارض ..........ا.لهنوف راحت تجيب كرسي وجلست معانا..........اخذنا وقت وتجي نجود ونأشر لها لأنها كانت تناظر ورى ياقلبي متعوده انى دايم ورى نجود:وين اجلس وجدان :نفس الرد ..على الارض نجود:لاوالله طيب أنتي اجلسي على الأرض وأنا بجلس مكانك عهود:جيبي لك كرسي الهنوف :طيب تعالي أجلسي مكاني لين اروح اصلي ((الأخت توها تصحصح على الصلاه)) ...جلست مكانها ...جت الهنوف قامت نجودمن المكان .... اخذت تسولف الأخت معانا وهي واقفه .. المشرفه على الشبكه((لأن محاضرتنا شبكه يلقيها دكتور)):اللي هينا وبعدين نجود:استاذه مافيه كرسي المشرفه:اجلسي في الكرسي هذا((((((عاد الكرسي هذا مو عندنا يعني بتجلس بعيد عنا وماتقدر تتطلع الكرسي بسبب الزحمه وكانت بتروح تجلس عهود:لاتروحين ماعليك جيبي كرسي من برى وتعالي هنا الهنوف:لاتجلسين المشرفه تناظر نجود تصرف السالفه راحت أخذت كشف الغياب المهم في النهايه بعد الف والدوران جلست في الكرسي اللي قالته المشرفه الهنوف_ وجدان _عهود يسولفون مع بعض في دفتر بالكتابه ويناظرون في نجود حراااام جالسه لحالها ومن الطفش حطت راسها على الطاوله تبي تنام عهود:بنكتب لنجود نونسها شوي شكلها طفشانه وجدان: ياالله ************ومن هينا تبدى المواقف ***********وراح أكتب لكم كل اللي كتبناه في الدفتر لها ورد نجود والأحداث اللي صارت**************** اللي بين اقواس تعليقاتي الجانبيه بعيده عن الأحداث (((أنا كنت اكتب لها بقلم أزرق ووجدان بقلم رصاص )))) اللي بالون هذا أنا عهود(((كنت ابي أعلمها وش اللون اللي أنا أكتب فيه علشان تعرف الكلام هذا من راعيته خخخخخخخخخخخ))) اللي بالون هذا أنا القمر وجدان نجود حبيبتي لاتزعلين حرااااااااام والله رحمتك من جد خخخخخخخخخخخخخخخخخخخ ياالله خيرها بغيرها (((تقال وجدان في لعبت أكشط واربح))) المره الجايه نخلي الهنوف بلحالها صح وأنا معاك عهود جودي وش رايك نحط نجود غياب ياخي لحالها مداها طفشانه علشان نطفشها زياده والهنوف نطردها برى المحاضره والله ماينطرد غيرك يامشرفه الفشل وش تحسبين مشرفه كبر راسك علينا ..ياهووووووه((بقلم الهنوف يعني الهنوف اللي كتبته وتسلفت القلم من وجدان ..وترى حرام عليهم والله أني طبيعيه ماتغيرت نفسي يوم قبل أكون مشرفه___ورجع القلم الرصاص لوجدان))) آآآآآآآآآآه تراكم غثيتوني ياعهود ويا هنوف النجده يانجود**ياحليب السعوديه احتاج لمساعدتك تكفين طلبتك(((جودي ماتدري أن حليب السعوديه من منتجات الدنيمارك وتم مقاطعتهم خخخخخخخخخخخخ))) لا والله انا اللي انغثيت من الهنوف ووجدان رفعوا ضغطي يالبقره القويه تكفين ساعديني(((وأنا بعد راحت علي ان البقره القويه منتج دينماركي))) هههههههههههههههههههههههههههههه ههههههه ماتناميش ياحلوه ..أصحي وانتبهي للمحاضره يعني مثلي أنا وعهود والهنوف خخخخخخخخخ(((كنا مع المحاضره والله أقوى منها))) وأرسلنا الدفتر هذا لها بمدت يدين بنتين الا وهو واصلها وتقومها البنت اللي عطتهياه وتناظرفينا نجود وتضحك ثم أخذت تكتب ...ورجعت لنا الدفتر وقعدنا نقرى ونضحك((راح اقول وش مكتوب فيه بس لحظه)) المشرفه أنتبهت لنا عاد هي تسجل غياب للي يتكلمون شافتنا نضحك قالت: اللي هنا تقصد وجدان وش أسمك وجدان :أنا المشرفه:ايه وجدان:وجدان بنت...........وسجلتها غياب وأنا أناظر في الدفتر وأقلبه اسوي نفسي بريئه ماسويت شيء إلا وهي تقول .........واللي هنا وش أسمك ناظرت عليها((اللي على راسه بطحه.....خخخخخخ)) قلت :عهود بنت............... وسجلتني غياب (((آآه يالقهر لودريت ماحضرت المحاضره اصلا ))) الهنوف تناظر فيني أنا ووجدان وتضحك لأنها ماخذت أسمها على الرغم أنهاكانت تضحك معانا محظوظه بس الحظ مايدوم وتأشربصبعها علينا وتضحك نجود تناظرنا وتضحك مبسوطه وجدان تقول أكتبي اللي صار في المنتدى وأنا أقول والله رايقه أخذت اسامينا وأنتي تقولين اكتبيه في المنتدى أخذنا وقت تقريبا قبل نهاية المحاضره الاوهي تاخذ أسم الهنوف وتسجلها غياب(((مو كل مره تسلم الجره خخخخخخ))) وأنا ووجدان نموت عليها من الضحك والله دموعي طلعت من الضحك يوم شفت وجهها تقلب الاوان يوم اخذت اسمها المشكله تضحك علينا وصار لها مثلنا خخخخخخخخخخخخخخخ ******************اللي كاتبته نجود في الرد علينا************************* ** اسمعي عهود لما تقرين اللي كاتبته ردي لاتسكتين(((تبيني أرد عليها يهمها ردي خخخخخخخخخخ شخصيه))) وأنتم ياشينكم الواحد مايقدر يأخذ قيلوله بالمحاضره ورانا اليوم استراحه ****************رد وجدان على اللي كتبته نجود******************** كلي تبن ايش معنى عهود ترد!!! ليه أنا والهنوف مالنا رب؟؟ *************رد عهود على اللي كاتبته نجود*************** (((عاد أنا رديت عليها بطريقه المنتدى))) <اللي راح أكتبه لكم بالرصاصي هو كلام نجود واللي بالأزرق انا تقال رد مع أقتباس خخخخخخخخخ> رد مع اقتباس اسمعي عهود لبيه لما تقرين اللي كاتبته ردي لاتسكتين أكيد اجل باترك تسبين وأسكت خخخخخخ وأنتم ياشينكم أكيد أنا ماني معاهم الواحد مايقدر يأخذ قيلوله بالمحاضره ورانا اليوم استراحه أخذيها بس مو هينا ببيتكم ولاأقول أخذي القيلوله في الاستراحه خخخخخخخخخخخ التوقيع:عاشر من تعاشر فلابد منـ الفراقـ تراه رايح وجاي(((يعني أنها تقرا ردي في المنتدى حتى التوقيع رسمته لها ))) مع تحياتي وأتمنى أني ماطولت عليكم