ابوووك يالقصيده ،، 
لا تحسبين العرس توفـي وكتكـات ....
ولا تحسبينـه تويـكـس ولاّ بونـتـي
ولا تحسبين العرس كيكة وطرطـات ....
وصلـة قطعتيهـا ووصـلـة بلعـتـي
ولا تحسبين العرس تصفيق وأصوات ....
وإنتِ علـى صـوت الغطاريـف همتـي
ولا تحسبين العرس كوشـة ولمبـات ....
وإنـتِ كمـا الطـاووس فيهـا جلستـي
ولا تحسبين العرس أحلام في الشات ....
يـا مـا بنيتيـهـا ويـا مـا هـدمـتـي
ولا تحسبين العرس روحة وجيـات ....
هيـا اقضبـي بيتـك عسـى ما إنهبلتـي
ليلة سعيدة وإنتِ أحلـى الجميـلات ....
تشخـص عيـون النـاس إذا حضرتـي
(واللآيلاينر) حطيـه بــلا زيــادات ....
لا يـخـرب المكـيـاج إذا دمـعـتـي
(والمسكرة) تحتاج لطـف ومـدارات ....
حتـى يـبـان الـزيـن إذا رمشـتـي
(والإسبريه) رشيه حتى البصيـلات ....
يمسك شعـرك زيـن لـو كـان زدتـي
وترى(المحدد) فن يحتـاج رسمـات ....
يبـان رسمـه زيــن إذا ابتسمـتـي
العـرس يا بنيـه ما هـو شعـارات ....
تفنـى مراسيـمـه وتبقـيـن إنـتـي
ويبقى شريك العمر راعي الطويلات ....
هـذا هـو العـرس حقيقـه عرفـتـي؟
أول نصيحة لـك حفـظ الصلـوات ....
صلّي العشـا والفجـر فـي كـل وقـتِ
وفي ليلة العرس الموفّـق بالـذات ....
إدعـــي الـكـريـم إذا سـجـدتـي
والتعرّي لا ترضين عند الكوفيـرات ....
ولبسـك يملـى العـيـن إذا لبسـتـي
وإلّي على زوجك تحرّضك مـرات .....
أرجـوكِ شوتيهـا شـوتـت بلنـتـي
والصبر في العشرة حتى على فتات ....
يا ما حـلا فعلـتـك يـومـك صبـرتـي
وإذا حفظتِ السـر مـع المـدارات ....
زوجـك تـرى فـي عيونـه كبـرتـي
والسوق يعني هاه وقت الضرورات ....
ولاّ تـرى زوجــك يــدور لمفـتـي
زيدي الغطايه وكثّري في العبايـات ....
والله يـرضـى عـنـك إذا ستـرتـي
أوصّيكِ بالكبسـه وكثـر اليدامـات ....
حتـى لوإنـك مـن سببـهـا متنـتـي
وخلّي الرجيم إلّلي فشلتي فيه مرات ....
سـوّيـه مــرة واحــدة لا ولـدتـي