تلعثمت لا أقل لك يا كامل الزين
***مبروك عيدك يا عسى دوم عايد
خلي لك الواجب ع الراس والعين
***حزت الجمال ونلت منه الفرايد
من سبة الفرحة غدى العيد عيدين
***فزيت لك يا غرو والحيل بايد
أهواك وأتعذب من الصد والبين
***لا تلوم قلبي ولاعج الشوق كايد
يا ناقش الحنا على الكف بردين
***نقش الورود بوسط عشب البرايد
لتهت خلق الله ما بين الصلاتين
***أمس العصر كبرت واليوم سايد
مثل الحجيج اللي أمسوا ملبين
***بيت أكتب في وصوفك قصايد
مشتاق أنا يا بنت والشوق يا شين
***بيت دمعي فوق سطح الوسايد