[النهر الخالد]

[QUOTE=ساره الشهري;350331]

السلام عليكم ورحمة الله و بركاته

صبحكم الله بالخير جميع ..

أصافحكم بهذه القصيدة التي كُتبت حيال موقف ..

انا بنت الرجال اللي يعزون الخـوي والضيـف = انا بنت الرجال اللي تنومـس مـن حكـا فيهـا
انا بنت الكريم اللي يزبن من من وطاه الحيـف = انا مـن لابتـن ماهـو موفـق مـن يعاديهـا
اعرف ان الرجال رجال ماتمشي دروب الزيـف = واعرف ان الضعيف ضعيف نفسـه دوم مذيهـا
وبما اني عزيزة نفس ماني حاسبـه لضعيـف = لعلـه يفهـم التلمـيـح دام انــي بعديـهـا
وبكتبها هنا جملـه صريحـه مابهـا تزييـف = ترى اسلوبي مع ردودي تفسر عكـس مابغيهـا
وانا ردي يجي عادي وطبعي ماعرف تكليـف = ولكنـه ضعيـف النفـس بأفكـاره يسريـهـا
ولأني أدري ان الناس ما تاتي على ادنى كيـف = انا بصبر علـى هـاذي وحـذر قبـل اداويهـا
ترى بعض البشر تمشي بكلمة والبعض بالسيف = وكثير أشخاص رمشة عين تقربها وتوديها

وسلامتكم .. لكم فائق التحايا وأطيبها

ساره الشهري ..

[/QUOTE

الشاعر القديره ساره الشهري

وعليكم السلام ورحمة الله وبركاته

الله يسعد صباحك بروعة القصيده والحضور المتميز

بيض الله وجهك على هذه الشامخه

ترجمت واقع ملموس في خفايا البعض

من روائع الكلمه التي اتيتي بهذه القصيد والتي تحكي ما بداخل القلب والعزه والكرامه

فاحييك على هذا الحضور الشامخ والجميل في نفس الوقت

نص راقي وجميل بروعة حضورك سيدتي

تقبلي مني فائق الشكر والاحترام