يامرحبا عقب البطا والوساويس=ويامرحبا بالشمس ساعة شراقه
يامرحبا ياشيخ عد التضاريس=واعداد نبت الفل مع عود ساقه
لك منزل بالقلب ماله مقاييس=يابو أنس ياللي عزيز الرفاقه
وعن سالفة رفع القوافي بتقييس=مشتاق أبقرأ للقوافي عراقه
رفعتها أقصد بها زود تنفيس=للي بنفسه من عنا الوقت عاقه
شفت الشريف اللي حضر مثل أدونيس=كتب مقال فيه بعض اللباقه
وقبله نشدنا عن وعد واخت بلقيس= ماكنه الا مضيع(ن) له عشاقه
قلنا نعيد أيامكم فيس تو فيس=ونعيد معها مامضى من علاقه
انته وهوا كاسبين النواميس=والكل منكم ما بغينا فراقه
لكن هي الدنيا بعيدة مراميس=واللي يبادر له نتيجة حداقه