|
الله مـن قلـبٍ اهمـومـه تتـالـىمـاراح مـن هــم يجيـنـي بـدالـه |
اهموم قلبي (صوب) حالي توالىسعيـرهـا بالكـبـد زاد اشتـعـالـه |
والله عـلـيـمٍ بالخـفـايـا تـعـالـىسبحان من هومنفرد في كمالـه |
طـواريٍ تـاتـي جــداد وسمـالـىتمـت تـوارد كلـهـا فــي مجـالـه |
طاري يقول اذكر قديم الفعالـىوطاري يقول اذكر جدايد افعالـه |
وطاري يقول اصبربزوداحتمالـىوطاري يقول ابعد ومالك ومالـه |
ابات فـي حـالات واصبـح بحالـىواللي درابـي قـال عـزي لحالـه |
هـذا وانـا منصـور مابـه مجـالـىومداخل الشيطان فيهـن اقفالـه |
اصبرعلى ضيم الدهر والشكالىولا معـونـة واحـــدٍ بـــه هـبـالـه |
نفسـي عزيـزه ماتحـب الهزالـىومطنوخ راسي ماهضعته محاله |
مانـا بمـن لاشـاف ربعـه تمالـىيصـد منهـم غيـر ابيـن وانــا لــه |
امــا تجيـنـي ابخـيـر والايـقـالـىرجـل مـع ربعـه وجنـب سـوالـه |
انا احمد الباري علـى الاحتمالـىوارجي معونـة خالقـي باحتمالـه |
ويالله يالـلـي عـالـمٍ بالـحـوالـىانــك توفقـنـي لــدرب الـعـدالـه |
رحماك يـارب الضعـاف الثكالـىياواحـدٍ كـل الوجـيـه تعـنـى لــه |
انـك تصبـرنـي عـلـى هالحـوالـىوانـك تفرجهـا علـى كــل حـالـه |
|