بس يا غلا من عذاب الحب ملينا =**خلينا باقي العمر نرتاح وياكم
كافي بنار الهوى والشوق تكوينا=**ياحر لاهب هبوب الشوق لوجاكم
يا من بوصلك تعشمنا و ترجينا=**ذوبت خافق خفوق اللي ترجاكم
عجل بوصلك حبيبي لا تخلينا=**بين الثرى والثرية نطلب رضاكم
ياما تعبنا الوله والشوق يضنينا =**وياما بكينا على الأطلال فرقاكم
وياما دروب المودة لأجلك مشينا =**حافين بالشوك فيها نتبع خطاكم
يا قاسي القلب يكفي لا تبكينا =**و تتجاهل شعور قلب صرح يباكم
نار الخوافق لضاها بات يكوينا=** و ما تبرد النار ألا يوم نلقـاكم