[الطامي]

المشاركة الأصلية كتبت بواسطة حمد الدليهي

دارت الأيام والعاقل تأمل=وماتقدم خير يمنى كل طاغي
والأصايل تستجد وماتسمّل=ماتخالفني وانا صاحي دماغي
والأصابع كان ماقامت تنمّل=زاغ قلب الفارس اللي مايزاغي
وارمل الأفكار يقعد ويترمّل=مايحقق شهرة جميحي وُناغي
والحليب اللي بقى ديسه مشمّل=ضايفه مكتوب في نبذة بلاغي
ومن تعذّرْ عن لزومه ماتجمّل=هيكل ٍ في .. ثوب .. وعقال .. وُشماغي
خطوته للخلف منبوذ ٍ مهمّل= ومن صفوف المجتمع لاغيّه لاغي
والجمْل لاصار يجزع ماتحمّل=لو .. هدر .. مرّه يصير أمرار راغي
والثوابت واضحه ماتنتزمّل= يفرق الرافض عن اللي قال باغي
والغنايم للعزوم اللي مصمّل=ماتحققها سواليف الفراغي
ومن يتابع نقص غيّره مايكمّل= عاش همه كان للناس استساغي
وتمضي الأيام والعاقل تأمل=وماجهلت الشر منهج كل طاغي

الدليهي
صح الله السانك واعتلا شانك
بدعت فأجدت وأبدعت فيها
لله درك يامبدع
كم هي جميلة بمعانيها وقافيتها
قرأتها مراراً وتكراراً فلم املها لحسنها
لاهنت وشكرا لك