كان حبك واحترامك لي جميله = علميني كيف نكران الجميل
المحبه بالعطا وانتي بخيله = كيف برضى بك وانا ماني بخيل

علميني الوصف لا صرتي جميله = وعلميني الصبر لا حان الرحيل
علمي روح(ن) من الفرقا عليله = كيف تتكبر على الرمش الكحيل
كيف تحيا الصيف برموش(ن) ظليله = ظلّها خاين وهي عُود(ن) هزيل
وعلميني كيف والهامه طويله = ينحني راسي وانا حرّ(ن) أصيل
كيف وهمومي على قلبي ثقيله = بانتقل من واقعي للمستحيل
وعلميني الصمت دام انّه وسيله = تستر الإحساس عن قال(ن) وقيل
يا بقايا لشوق في نفس(ن) ذليله = ياتموت الحين يا تحيا ذليل
أدري ان الروح ما ترضى بديله = بس (لا ) للذّل وان عزّ البديل