[عبدالله الشويمان]

المشاركة الأصلية كتبت بواسطة فواز الغسلان

حلا الـقـاف لا صغـتـه بربـعـك وقـالـوا عاش=وصغت الجواهر بالـمـثـل فـوق الاطراسي
ومن كان فـي درب الـمـراجـل طـبـوعه ماش=ترى الـقـاف فـي مـدحـه بالاقـدام يـنـداسي
وش الربح في جـمـهـاة ضـب(ن)بدون عراش=ولا لــه بـديــوان الـمــشـاكـيــل مـجـلاسي
يجـيـه الرفـيـق اللي تـضـايـق ولا يـلـقـى آش=وهـو مـارثـة قـومـن مـثـل عـقـد الالـماسي
ولاحـاز نومـاس الـعـرب هـايـب الـمـخـواش=تـبـي واحـدن يـصـبـر عـلـى شـد الامراسي
الامـــداح مـاتـاتــي لــطـــلابــتـــه بــبــلاش=تـبـي واحـدن مـثـل الـجـبـل شامخـن راسي
واذا قيل ابـن غـسـلان يـنـصـح ولا سـوى آش=عـطـونـي قـفـول الـبـنـك وابـدو بمـقياسي
واذا مـاتـركـتــه طـايـرن طــيــرة الـخـفــاش=عـسـانـي لـطـلـقــة واحـدن مـثــل حـواسي
والاعـذار واجـد لـلـرجـل لا بـغــى يـنـحـاش=والاجـواد تـفــزع لـو عـلى قـطع الارماسي
والافـزاع ماتـحـتـاج طــلـبـه وشـبـك افـيـاش=والانـهـار مـاتـحـتـاج كـهـرب وغـطــاسـي
نظـمـت الـمـعـاني كالجـواهـر بوسـط قـمـاش=وهــتــاش مـرسـولـي الـيـا بـان هــوجـاسي
الا لـيـت لـو نصـف الـجـمـاعـه مـثـل هـتـاش=وهـتـاش وامـثـاله كـثـيـرن(ن)مـع الـنـاسي
لك الله فـلا تـقــضـب مـكـانـه عــيـال الــلاش=ويــفـــداه بـربــوع الــردى كــل هــلاسـي
بالاسـفــار يـطـرب مـن يخـاويـه بالـمـطـراش=عـزيـزن ولاياطــى عـلـى حـوض الادناسي
لـو الـمـال باكـيـاسـه خـذتـهـا يـمــيــنـه كـاش=لـك الله فـلا تـلـقـى سـوى نـثــر الاكـيـاسي
ولـو صار بكـفـوفـه سـلاسـل حـرس وابـيـاش=يسـيـل النـدى الصافـي ويـجـري بالانـفـاسي
ولا هـو بـمـيـعــاده بـدرب الـصـخـى غـشـاش=حـسـب قـدرتـه لـو حـاجـتـك يـم تـكـسـاسي
سريعن كـما الـبـنـدق عـقـب صفـقـة الـنـتـاش=طـبـوعـه لـمــن هــام الـطـويـلات نـبـراسي
على موترن خـشـمـه قـبــال الـوعــر يهـتـاش=سرى مـن جـبل سلـمى على وقـت الادمـاسي
اذا نـامــت الـعــربـان يـســري بـدون فـراش=ولا هــولـسـت عـيــنـه مـع الـدرب بـنـعـاسي
تـحـت بارقـن يـوضي شـعــاعـه تـقـول فـلاش=على الجـيـب ماتسـمع سـوى حـس الاجراسي
جديدن ولا شـفــتــه سـجـيــنـن بـوسـط قـراش=ولا حــازه الـلــي هــايــبــن نـار الافــلاسـي
سـرى لـلـشـمـال وفـي طريـقـه عـرب وادباش=وخـلا الطـريـق وداج مـع حـمـر الاطـعـاسي
غـدى مـهـرفـن يـشـدى لــذيـبــن حـداه كـلاش=والادبـاش مـن دونــه عـن الــذيــب حـراسي
يـمــر الـعــويـقــيــلـه جماعة خـلــف حـشـاش=هــل الـطـيــب لاشــدو عـلـى كـل عـرمـاسي
وتاصل لـنـا شـيـخـن طـنـيـخـن قــوي الـجـاش=حـكـيـمـن كـريـمـن عـنـده الـخـيـر محـتـاسي
شريـفـن نـظـيـفـن طـاهـرن مـثـل لـون الـشاش=صرومـن لـطـومـن عـنـد كـضات الاضراسي
ظـلــيـعــن رفـيـعــن بالـقـبــايـل مـثـل عـكـاش=سـلـيـلـن عـلـيـلـن فـي ضحى الكود والـباسي
ثقـيـلـن ظـلـيـلـن لاغـشـى الـقـوم ضـرب اقـفاش=جـلـيـسـن ونـيـسـن مجـلـسـه يرفـع الـراسي
سـمـوحـن نصوحن مـايـخـلـط الـدقـيــق جـراش=صـدوقـن لـبـوقـن يـعــدل الـمـيــل ويـواسـي
سـلايـل عـبـيــد الـلـي ورث طـيـــبــه الـجـيـاش=فـهـد شـيـخـنــا الـلــي حـايـزن كـل نوماسي
مـوارث زمــيــل وراحــة الـخـافــق الـمـنــداش=مـن اولاد الازمـل مـتـعـبــة قــب الافـراسي
تـجـي مـنـزلـن فـيــه الـعــرب بالـنـدى تـعـتـاش=غـدى مـجـمــعــن يـجـمـع نـقـى كـل قرناسي
مضيـفـن نـفــد وسـطــه بـكـيــف الـكـرام خـياش=صخى يوم يكـفـي غـيـرهـم سـبـعـة اقـيـاسـي
ايـا كـثــر مـاحــامــى عــلـيــنـا وخـاض هــواش=يحـامـي مـثــل فـعــل الـمـهـلـهـل وجـسـاسي
يـبــل الـكـبــود الـلــي رمـاهــا الـزمـان عـطـاش=وجـور الـزمـن جـرحـه مـثـل حــد الامواسي
ابـي تـوصـــلـه مــنــي سـلامــي مــدامــه حــاش=مـن الـمـرجـلــه درع الـمـواقـف مـع الكاسي
لـك الـشـكـر يـاشــيـخــن كـلامــه تـقــل شــوبـاش=جـزيـلـن ويـفـصـم حـلـقـة الـمـعــدن الـقاسي
بـوقــتــن ردي الـســاس مـايــنــقــل الـمــنــقــاش=الا ويل مـن يرجـي صـخـى هـافـي الـسـاسي
سلامي يجـيـك اطـيـب مـن الـعـطر وسـط غـراش=اذا فـاح مــع زيــن الـجــدايـل بـالاعــراسـي

الله الله الله الله الله الله

يا سلام عليك يا اخ فواز قلت فابدعت واجزلت

انها قصيدة تستحق القراءة على عدد ساعات النهار

اشهد بالله انك صغت قصيده..

صح السانك مدد بدون عدد

ومع احترامي تقبل سلامي