|
راع المحـبـه يطـيـر الـنـوم عــن مـوقـهوالــزاد تـمـضـي ثـــلاث ايـــام مـاذاقــه |
كــن الافـاعـي تـغـرز الـنــاب بـعـروقـهولاتنـفـعـه حـجـبـة الـحـاجـم وتـريـاقــه |
الـروح كـن الجبـال الـسـود مــن فـوقـهضاقت سبـب لاهـب المحبـوب واشواقـه |
باسباب ريمن خفوقـي ضـاع فـي سوقـهنـظــرة عـيـونـه وزيـنــه جـــل خـلاقــه |
ريمـن عليهـا عـطـور المـسـك مدفـوقـهتسـرق خفوقـن غــدت تـومـي بمعـلاقـه |
عيـن اشـقـرن جـمـرة الـقـداح بحـدوقـهحر(ن)جليلـن ربـى فــي راس شوهـاقـه |
يمـنـاه تــودع عــروق الـصـدر مشلـوقـهعــادات كـفـه لـصـدر الـصـيـد صـفـاقـه |
والجسـم يـاعـود مــوزن مــال بعـذوقـهيشـرب علـى جـاري الماطـر ومشراقـه |
هـنـي مــن شافـهـا بالـكـرت مـرفـوقـهفــي دفـتـر العايـلـه والـخـتـم بـاوراقــه |
هجـره كـوى الخافـق الضـايـع ومعلـوقـهوهـو ينتظـر شوفـة الغالـي عـلـى فـاقـه |
ماجـاء علـى البـال درب الغـدر والبـوقـهولا لـي علـى هجرهـا حيـل(ن)ولا طـاقـه |
الليـل يمـضـي وروحــي تـقـل مشنـوقـهوالبيـض تقصـد هــوان النـفـس بفـراقـه |
تفـرح بقلبـن يـذوق الضيـم مــن شـوقـهوترسل رماحـن لوسـط الجـوف سراقـه |
ليتي علـى اللـي يهـوم الطعـس وفلوقـهجيبـن يـدوج الحصـى الوقـاف واشنـاقـه |
لاهابت الناس بعـض الطـرق مـن ضوقـهالجيـب يلقـى بـوسـط الضـيـق منطـاقـه |
ادهـج رياضـن ربيعـه شــرق مــن لـوقـهتجمـع طرايـف زهــور الـوسـم وارنـاقـه |
تفتـح قفـولـن بـوسـط الـصـدر مغلـوقـهوتطـرب عيـونـن تـهـل الـدمـع لا ضـاقـه |
وابـدع حروفـن يهـيـل الـنـاس طـاروقـهمـن غيـظ روحـن لجـزل القـاف سباقـه |
اطـرد طـوالـع جـزيـل الصـيـد وفـروقـهمــع بنـدقـن يـضـبـط المـنـظـار تـفـاقـه |
بـظـلال غيـمـن غـزيـر الغـيـث بطبـوقـهلاثــــار مــــرزم رعــــوده لاح بــراقـــه |
روحي غدت من طعون البيـض مرهوقـهمـن جمـر نار(ن)لوسـط الجـوف حراقـه |
مالي سوى اللي سحرنـي زيـن منطوقـهوعـلاج همـي هــوى المجـمـول وعنـاقـه |
عقـب السـعـاده وقـعـت بـنـار خـازوقـهضامـت قلوبـن لـدرب الطيـب منسـاقـه |
عقـدت معهـا حـبـال العـشـق وحقـوقـهوظنيتـهـا مـثـل نــار القـلـب واشـواقــه |
واليـوم كـبـدي عـلـى فـرقـاه محـروقـهوعــزي لـمـن كــاوي الفـرقـى بخفـاقـه |
يـانـور عيـنـي ظلـوعـي مـنـك مفـتـوقـهروفــي بـروحـن لــذوق شـفـاك تـواقــه |
روحن غدت من هجوس الليـل مطفوقـهوالسهـر يــودع عــزوم الـنـاس منعـاقـه |
وكـان الوعايـد بـدرب العـشـق مفهـوقـهوعفتـي عهـود الهـوى الـوافـي وميثـاقـه |
حطوا على القبـر تحـت الـراس طابوقـهولا هو جزاء اللي هوى الغالي من اعماقه |
|