عاقـنـي واعـلـن لي البارح زواجه=ويل حال اللي وقـع في وسط بـيـره
ولايـفـيـدن قـولـهـا راح انـتـواجـه=دام غـيـري صار بـكـفـوفـه يـديـره
واعذاب اللي طـفـت شعلة سراجه=لا طرى له صاحبه في حضن غيره
جمرة المظـلـوم وسط الصدر لاجه=مثل مكسور الـقـدم قـبـل الجـبـيـره
حالتي صعب(ن)على العالم علاجه=وش يـعـالـج خافـقـن يـفـقـد عشيره
ماتـداوي خافـقـي جـلـسـة مـساجه=وهرج من قالوا عسى بالامر خـيـره
لا نسيت الجرح ريـح الغدر هـاجه=ضايق(ن)والروح مدري وش مصيره
في لهـيـب القيظ يسقـيـنـي هـماجه=عقب ماشـربـي على جاري غـديـره
قـمـت ادوج السوق مالي فيه حاجه=من هـواجـيـس(ن)على قلبي خطـيره
المخـاطـر بالهوى عـنـد ابـن ماجه=في حـديـث اللي حـمى ركن الشعيره
كم عزيز(ن)ضاع في ثورة عجاجه=ضاع وعـيـونـه على دربه بـصـيـره
من هنوفن بالـغـثـى حـاسـت مزاجه=واشعلت في ضامره مـثـل السعـيره
ياعـيـون اللي براس الـظـلـع راجـه=له كـفـوف(ن)في مخـالـبـها شطـيره
دايـم(ن)قـنـاصـهـا يضحـك حـجاجه=والـوصـوف الـنـادره كـلـه بـطـيـره
ارحـمي قلب(ن)شكى كـثـرة سهاجه=عـقـب ماهـو راويـة شـبـه الجـزيره
والـلـه ان الـعــقـل يازيـن بـرواجـه=والـعـرب بحـروبـها تدرى ضـمـيـره
لا تخـلـطـيـن الـنــوادر مـع دجـاجـه=والقصيد الجزل مع نـغـمـة سمـيـره
ومـن بـغـى بـيـع الـمـوده في حراجه=وعاق مظـعـون المحـبـه في مسيـره
الـعـرب مـن والـي الــدنـيـا خـراجـه=وخـطـوتـي بالمرجله ماهـي قصيـره
وطرد من عاف الهوى راس السماجه=ولو قـطـفـت الورد ماتلـقـى عـبـيره
ودامـنـي ماجـيــت بـدروب الـعـواجه=وسـيـفـنـا بالـطـيـب مانـام بجـفـيـره
راح اعـيـش العـمر فوق الراس تاجه=مـاعـلـى طـبـعـي مـلام ولا مـعــيـره
كل طـبـع(ن)صاحـبـه يلـقـى نـتـاجـه=ومن مـشـى بالـغـدر يشـرب من عصيره