الصريح العتيبي)
سلام ياهل الشات حرمه ورجال=الله يمسيكم بخير وسعاده
(صوت الاحساس)
يامرحبا باللي طرى لي على البال=الصاحب اللي صادق(ن) في وداده
(ماجد المهدي)
سلام يا عايض عدد مطر همال = وربي يمسيكم بنور ورغاده
(الصريح العتيبي)
السالفه يالربع ننشد عن الحال=ماودنا ننشب مع اهل القراده
(ماجد المهدي)
لا تنشد المغبون من سوء الأحوال = حالي سقيمه من فراق وبعاده
(الصريح العتيبي)
ماعاد باقي غير يالربع الاطلال=عدنا الشريط وفيه حس السعاده
(ماجد المهدي)
عطني علومك كيف صرتوا مع المال = قالوا معاكم كنز تحت الوساده
(الصريح العتيبي)
يبي عناقيد العنب مير ماطال=ان كان يبغى الكنز يلبس قلاده