[الخنساء]

ياهاجسي وان كان للضيق ميعـاد
سود الليالي جـددت لـي لقاهـا
قمت آتجاهل غيّها بيـن الاحشـاد
لين الليالي حذّفـت لـي حصاهـا
مافاد هرج القـوم واللـوم مافـاد
ليت الليالـي مـا تـورّث غثاهـا
جمر الغبن قدمي على طول وقّـاد
والعين حتى العين شحـت بماهـا
من قال بس الضيم شافـوه بغـداد
بعض الدول ضيم الزمـان ابتلاهـا
ثوب الفرح مرقوع من ثوب الاحداد
بعـض الاوادم مـا نميّـز رداهـا
دوّرت في طرس البشاير والاعياد
عن ترجمت معنى الفرح محتواهـا
واثري غبنت الذات والـذات نقّـاد
لنّ الفـرح ايـام عمـري رماهـا
وش عاد ياغبن الغنادير وش عاد
اطعـون قلبـي تشتكينـي دماهـا
كن البلا لسمي على طـول نشّـاد
ولاّ يحب اللـي وصوفـي كساهـا
ياهاجسي يـوم المخاليـق رقّـاد
يوم ان كل الناس نالـت رضاهـا
شفني عبرت الماد يامحـدد المـاد
نفس العزيزه ما يزعـزع وفاهـا
حتيش ياوجه الردى جنّـب احيـاد
قبل ان وجه البنت يزهـق غطاهـا
آرد على سبـعٍ مفاريـد واجـداد
تـآرد لهـم بنـتٍ تجـدد عناهـا
وافهق خطاوي ضيق وا كيد حسّاد




صح لسانك اختى الشاعره بنت القصيد
لاهان را سك قصيدة رائعه
سلمتى وسلم شعرك
دمتى بخير