[الجوهرة]

أنانية ولي قلباً ملك فـي داخلـه إحسـاس=قوية شامخة ما اضعف رغم ما قال عذالـي
وبي طبعاً من اسبابه حسافة يزعلون الناس=أنا أحبابي بهالدنيـا أبيهـم ملكـي لحالـي
ومغرورة غروراً في تواضع ماله أي اقيـاس=ومع هذا فلا يمكن أزعّـل بالحكـي غالـي
بليدة بس أحيانا ً أصيـر الخافـق الحسـاس=وحيدة وسط هالعالم ودايـم أسهـر لحالـي
(( عنيدة )) هذي أكتبها عبارة تتعب الأقواس=عناد(ن) بي يضايقني هو اللي مشغل(ن) بالي
بريئة كنني طفلة واشابـه هبـة النسنـاس=ليا من جيت وإليا رحت صرت الريح طوّالـي
و فيني ميزةٍ تندر لو إن الناس قيل أجنـاس=وفيّة ما ارضى بخيانة تعكر جـوي الحالـي
وأحب الليل وبهدوئه أحارب ضجة الهوجـاس=ينام السهد وعيوني تراقـب كيـف أحوالـي
خيالية ولي حلماً بواقع صعب ما له سـاس=غرقت بلوعة الذكرى سنيناً مـا لهـا تالـي
تفائلت بزمن فيـه التفـاؤل توأمـاً لليـآس=بغيت النور بس إني لقيت العتمة أشوى لـي
عزيزة نفس ما أرضى طرف لي بالغلط ينداس=يا ويل اللي يعاديني وربي فيـه مـا ابالـي
تراه ايحق لي ياللي اتغالط لا رفعت الـراس=بسولف للثريا والجدي وسهيل عـن حالـي
لو إني جامعة كل التناقض في وسط قرطاس=ولكن في دروب الخير ابمشي وأحسن أعمالي
جواهر أسمي ورسمي وماسة والمداد ألماس=أنا وبرغم هالعالم وراسـي بالسمـا عالـي