وانت الرفيق اللي الصدق عنَيـت
في ديرة الصـدق فيهـا ملامـه
يادمعتين بيـن لهـداب ضمَيـت
ماتت وفيها الياس بانت حطامـه
كم ليلة بيـن المراقيـب حنَيـت
لي نوًخ التذكـار فينـي خيامـه
ياما وياما قلـت يابـوي ياليـت
وياما عزيز القوم فـارق سلامـه
يابوي يالحلحيل ياذايـع الصيـت
تفـداك ذود ماعليهـا مـلامـه
من ذب رجم قبله النـار شبَيـت
القاه في عـوج الليالـي كرامـه
ومن داخ راسه بالخطا ماتعنًيـت
وانا عبيَد مـن يمينـي خطامـه
يالله ياللي تخرج الحـي مالميـت
يافارض شهـر علينـا صيامـه
ياواحد بامرك خذيتـه ورديتـي
وسف علي يعقوب يشرق ظلامه
رجواك قلب فـي حنايـاه كنَيـت
ونًه من الصندوق رجَت عظامـه
صح لسانك اخى الشاعر عبدالله
لاهان راسك قصيدة رائعة
ترجمت الحزن على عمو د الاسرة
رحم الله والدك ووالدى والمسلمين
فقد هم صعب غفر الله لهم
سلمت وسلم شعرك
دمت بخير